დედაქალაქის მერმა კახეთის გზატკეცილის სათადარიგო ზოლების უხარისხოდ შესრულებული სარეაბილიტაციო სამუშაოების გამო კონტრაქტორი კომპანიები გააკრიტიკა და მათ პასუხისმგებლობა დააკისრა. კახა კალაძემ თბილისის მუნიციპალიტეტის მთავრობის სხდომაზე საკომუნიკაციო ჭებთან ასფალტის მდგომარეობის ამსახველი ფოტომასალა წარადგინა.
მისი თქმით, მას შემდეგ, რაც ცენტრალური გზის სარეაბილიტაციო სამუშაოების გამო სათადარიგო ზოლები მაქსიმალურად დაიტვირთა, პრობლემამ თავი იჩინა.
„ზოლები შარშან რეაბილიტირდა და ჯამში 15 მილიონი დაჯდა. ეს არის სრული უპასუხისმგებლობა. ჭის თავების ირგვლივ არის სრული კატასტროფა. თუ იმ კომპანიებს ჰგონიათ, რომ მერია ამ სამუშაოებისთვის თავიდან დახარჯავს ფულს, ძალიან ცდებიან“, - განაცხადა თბილისის მერმა.
კახა კალაძემ მერის მოადგილე ირაკლი ბენდელიანს დაავალა, დღესვე შეხვდეს კომპანიებს.
„როგორც კი სამუშაოები დასრულდება, ეს გზა უნდა მოწესრიგდეს ისე, რომ პრობლემა არ იყოს მასთან დაკავშირებით და ამაზე არ უნდა დაგვჭირდეს ყურადღების გამახვილება.
გულდასაწყვეტია ეს მიდგომა და ეს დამოკიდებულება. ამდენი ფული იხარჯება და ალბათ დაეტყო ახლა, როდესაც ამდენი ავტომანქანა გადაადგილდება. ეს სასწრაფოდ მოსაწესრიგებელია და იმ კომპანიებს მოუწევთ ხარჯის გაწევა და თავიანთი სახსრებით ამ ყველაფრის მოწესრიგება. დედაქალაქის მერია ერთ თეთრს არ დახარჯავს ამის რეაბილიტაციაზე“, - განაცხადა კახა კალაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.