აშშ-ის ჯორჯიის შტატის ეროვნული გვარდიის გენერალ-ადიუტანტი, გენერალ-მაიორი ტომას კარდენი თავდაცვის სამინისტროს „არმიჰოლში“ საქართველოს თავდაცვის ძალების წარმომადგენლებს შეხვდა და თემაზე „ამოცანით მართვა“ ლექცია წაუკითხა. ამერიკელმა გენერალმა ყურადღება ამოცანით მართვის მნიშვნელობაზე გაამახვილა და ქართველ სამხედრო მოსამსახურეებს ამოცანით მართვის პრინციპები, სპეციფიკა, ამ პროცესთან დაკავშირებული რისკები და მართვის დროს მეთაურებისთვის საჭირო უნარ-ჩვევები გააცნო.
ამჟამად ამოცანით მართვის კულტურის დანერგვა საქართველოს თავდაცვის ძალებში მიმდინარეობს, რაც თავდაცვის ძალების ეფექტიანობის გაზრდას შეუწყობს ხელს. ამოცანით მართვა ქვედანაყოფების მეთაურებს შესაძლებლობას მისცემს, ხელმძღვანელობასთან კავშირის გაწყვეტის ან სხვა პრობლემის შემთხვევაში, დამოუკიდებლად იმოქმედოს.
მოგვიანებით ლექცია დისკუსიის რეჟიმში გაგრძელდა. გენერალ-მაიორ ტომას კარდენთან შეხვედრას ეროვნული თავდაცვის აკადემიის რექტორი, ბრიგადის გენერალი მალხაზ მაკარაძე და სამეთაურო-საშტაბო კოლეჯის მეთაური, პოლკოვნიკი მამუკა ქავთარაძე დაესწრნენ.
აშშ-ის ჯორჯიის შტატის ეროვნული გვარდიის გენერალ-ადიუტანტი, გენერალ-მაიორი ტომას კარდენი საქართველოში მრავალეროვნულ სწავლება Agile Spirit 2019-თან დაკავშირებით იმყოფება. ვიზიტის ფარგლებში ამერიკელმა გენერალმა საქართველოს თავდაცვის მინისტრთან, ლევან იზორიასთან შეხვედრა გამართა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.