დღეს ოდესის შინაგან საქმეთა სამინისტროს სახელმწიფო უნივერსიტეტში ახალი საპატრულო პოლიციის წვრთნა გაიმართა. ღონისძიებას ოდესის ოლქის გუბერნატორი მიხეილ სააკაშვილი დაესწრო.
პოლიციის ახალი ეკიპაჟები კიეველმა ინსტრუქტორებმა მოამზადეს, რომლებსაც ამერიკელი სპეციალისტები წვრთნიდნენ. ოდესის ახალი საპატრულო პოლიციის პრეზენტაცია 13 ივნისს გაიმართა. ახალი პოლიციის დაკომპლექტება და მომზადება 7 აგვისტომდე გაგრძელდა და ისევ განახლდება.
“შევარჩიეთ, 3 თვეში მოვამზადეთ, გავატარეთ სტაჟირება და კურსები. მართალია, დასაწყისში იქნება შეცდომები, მაგრამ დარწმუნებული ვარ, რომ უკრაინელები კანონმორჩილი მოქალაქეები არიან, სხვებზე ბევრად კანონმორჩილები. მათ წესრიგი უნდათ. აბსოლუტურად დარწმუნებული ვარ - ჩვენი პოლიცია ეყვარებათ უფრო მეტად, ვიდრე ამერიკელებს უყვართ.
მართალია უკრაინელ პოლიციელებს ამერიკელი ინსტრუქტორები წვრთნიან, მაგრამ ჩვენები აჯობებენ, ამაში გასაკვირი არაფერია - მთავარი მონდომებაა. ჩვენში დიდი ენთუზიაზმია, ამ ბიჭებში იმხელა „დრაივია“, როგორიც არსად აქამდე არ მინახავს, არც ერთ ქვეყანაში“ - განაცხადა მიხეილ სააკაშვილმა.
სააკაშვილმა პოლიციელებთან ერთად გაიარა სავარჯიშო, როგორ უნდა მოათავსოს სპეცოპერაციის დროს დაჭრილი პირი პოლიციის ავტომანქანაში, ასევე, როგორ უნდა მოიქცეს პოლიციელი, როცა მოძრაობის წესების დამრღვევს საბუთებს უმოწმებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.