პრემიერ-მინისტრი ირაკლი ღარიბაშვილი კულტურის მინისტრის მოადგილის მარინე მიზანდარის თანამდებობიდან გადაყენების საკითხს გამოეხმაურა.

როგორც "პოლიტიკის დროში" ღარიბაშვილმა განაცხადა, ოდიშარიას და მიზანდარს შორის პიროვნული პრობლემა არსებობდა, რომელიც თვეების განმავლობაში გრძელდებოდა.

"ზოგადად, ჩემთვის როგორც მთავრობის მეთაურისთვის, რომლისთვისაც მთავარი ამოცანა არის გუნდურობის სიმტკიცე, ერთიანობა და კოლეგიალობა, აბსოლუტურად მიუღებელია, როდესაც ქალბატონი მარინა საკუთარ მინისტრს აკრიტიკებს. მნიშვნელობა არ აქვს, აქ საქმე ეხება კულტურის, თუ სხვა სამინისტროს. ეს უკვე არ ჯდება ჩვენს მიერ წარმოებულ პოლიტიკაში და ეს ყველანაირ გუნდურობას არღვევს და სამწუხაროდ, ცდება დაწერილ თუ დაუწერელ კანონებს. არ შეიძლება იყო მინისტრის მოადგილე და საჯაროდ აკრიტიკებდე მინისტრს. ეს ნიშნავს, რომ არსებობს ძალიან დიდი შეუთავსებლობა და შეუთანხმებლობა ამ ორ ადამიანს შორის. როგორც ჩემთვის ცნობილია, პიროვნული პრობლემაც ჰქონდათ და დაპირისპირება თვეების განმავლობაში გრძელდებოდა, პიროვნულ საკითხებსაც შეეხო და აქედან გამომდინარე, მომმართა წერილობით კულტურის მინისტრმა, რომ დამეკმაყოფილებინა შუამდგომლობა," - განაცხადა ღარიბაშვილმა.

ირაკლი ღარიბაშვილის ბრძანების საფუძვენლზე მარინე მიზანდარი კულტურის მინისტრის მოადგილის თანამდებობიდან გათავისუფლდა. პრემიერს მიზანდარის გათავისუფლების თხოვნით კულტურის მინისტრმა გურამ ოდიშარიამ მიმართა.

http://www.newposts.ge/?l=G&id=30618-%E1%83%A6%E1%83%90%E1%83%A0%E1%83%98%E1%83%91%E1%83%90%E1%83%A8%E1%83%95%E1%83%98%E1%83%9A%E1%83%98+%E1%83%9B%E1%83%98%E1%83%96%E1%83%90%E1%83%9C%E1%83%93%E1%83%90%E1%83%A0%E1%83%98#.UvvdLXiL1oY.facebook