წყალტუბოს მუნიციპალიტეტში ღია დიალოგის რეჟიმში მოსახლეობასთან შეხვედრები გრძელდება.
იმერეთში სახელმწიფო რწმუნებული ზვიად შალამბერიძე, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გრიგოლ გიორგაძე, პარლამენტის წევრები და ადგილობრივი ხელისუფლების წარმომადგენლები, სამტრედიის სოფლების: ღანირის, ჩხენიშის, მელაურისა და იანეთის მოსახლეობას შეხვდნენ.
შეხვედრების მთავარი მიზანია როგორც ადგილობრივი ასევე, ცენტრალური ბიუჯეტი ისე დაიგეგმოს, რომ ადეკვატური იყოს იმ გამოწვევების, რომლებიც მოსახლეობისთვის პრიორიტეტულია. სოფლის მკვიდრებმა ხელისუფლების წარმომადგენლებისგან ჯანდაცვისა და სოციალური მიმართულებით, ასევე სოფლის მხარდაჭერის, ინფრასტრუქტურული პროექტებისა და სხვა სახელმწიფო პროგრამების შესახებ დეტალური ინფორმაცია მოისმინეს.
აღნიშნულ სოფლებში მოსახლეობის ჩართულობითა და გადაწყვეტილებით წელს სოფლის მხარდაჭერის პროგრამის ფარგლებში სხვადასხვა სამუშაოები განხორციელდა ასევე მოწესრიგდა გზები და გაზიფიცირდა მოსახლეობა.
მოსახლეობასთან მეტი კომუნიკაციის მიზნით, ღია შეხვედრები ხალხთან, მთავრობისა და პარლამენტის წევრების ჩართულობით მთელი ქვეყნის მასშტაბით აქტიურად გრძელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.