დედაქალაქის მერი კახა კალაძე ვარკეთილში საფეხბურთო კომპლექსის სამშენებლო სამუშაოებს გაეცნო.
როგორც კალაძემ განაცხადა, ჯანსაღი ცხოვრების წესის პოპულარიზაცია და ხელშეწყობა მერიის ერთ-ერთი პრიორიტეტია, შესაბამისად, ამ მიზნით თბილისში არაერთი საინტერესო პროექტი ხორციელდება.
„კიდევ ერთ ძალიან კარგ პროექტს ვახორციელებთ საქართველოს ფეხბურთის ფედერაციასთან ერთად. ვარკეთილში კეთდება ხელოვნურსაფარიანი საფეხბურთო მოედანი, სრული სტანდარტების დაცვით, ასევე, მცირე ზომის სტადიონი. საფეხბურთო კომპლექსი გათვლილი იქნება 300 მაყურებელზე, აღჭურვილი იქნება ღამის განათებით, ირგვლივ ტერიტორია კეთილმოეწყობა.
ჩვენთვის ძალიან მნიშვნელოვანია ჯანსაღი ცხოვრების წესის პოპულარიზაცია. ჩვენი მიზანი და მთავარი ამოცანაა, რომ ასეთი სპორტული მოედნები ყველა რაიონში პროექტის სახით განხორციელდეს. ამას ემატება მულტიფუნქციური კომპლექსების პროექტები, რომელთა განხორციელებას ვიწყებთ ვარკეთილში და დიდ დიღომში.
შეგიძლიათ, მოიძიოთ ფოტოები, თუ რა მდგომარეობა იყო აქ, როდესაც წინასაარჩევნოდ ვიყავით. ეს იყო გატიალებული მინდორი და დარწმუნებული ვარ, ვიღაცებს წარმოდგენილი ჰქონდათ აქ სამშენებლო პროექტების განხორციელება და კორპუსების აშენება, მაგრამ ჩვენთვის ჯანსაღი ცხოვრების წესის დანერგვა, სპორტული მოედნების, პარკების და სკვერების მოწყობაა პრიორიტეტი“, - განაცხადა კახა კალაძემ.
საფეხბურთო კომპლექსი, რომელიც ვარკეთილი 3-ის IV მიკრორაიონში შენდება, მოიცავს საერთაშორისო სტანდარტების შესაბამის ხელოვნურსაფარიან მოედანს, 220-250 ლუქსიანი განათებით, 300 მაყურებელზე გათვლილ ტრიბუნას, რომელიც შშმ პირებისთვის განკუთვნილი ორი პლატფორმით იქნება აღჭურვილი, ტექნიკურ შენობას გასახდელებითა და სხვა საჭირო სივრცეებით და ხელოვნურსაფარიან მცირე ზომის მოედანს.
აღნიშნული კომპლექსის მოსაწყობად, 18 243 კვ.მ მიწის ნაკვეთი, საქართველოს ფეხბურთის ფედერაციას თბილისის საკრებულოს განკარგულების საფუძველზე გადაეცა საკუთრებაში. პროექტის საერთო ღირებულება 2 100 000 ლარს შეადგენს და ის საქართველოს ფეხბურთის ფედერაციისა და FIFA-ს FORWARD-ის თანდაფანინანსებით ხორციელდება. საფეხბურთო კომპლექსის მშენებლობა მიმდინარე წლის დეკემბერში დასრულდება.
სამშენებლო სამუშაოები მერთან ერთად თბილისის მერიის სპორტის, კულტურისა და ახალგაზრულ საქმეთა საქალაქო სამსახურის უფროსმა ირაკლი გვილავამ, სამგორის რაიონის გამგებლის მოვალეობის შემსრულებელმა სოსო ბურდულაძემ, პარლამენტისა და საკრებულოს მაჟორიტარმა დეპუტატებმა გიორგი მოსიძემ და რევაზ სოხაძემ, საკრებულოს წევრმა ლევან ჯაფარიძემ, ასევე, ფეხბურთის ფედერაციის პრეზიდენტმა ლევან კობიაშვილმა დაათვალიერეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.