დედაქალაქის საკრებულო ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისია 11 თვის მუშაობის შედეგებს აქვეყნებს.
როგორც კომისიის თავმჯდომარემ ბექა ნაცვლიშვილმა აღნიშნა, ოქტომბრიდან აგვისტოს ჩათვლით კომისიამ 48 სხდომა ჩაატარა და თბილისის საკრებულოს მიწის ლეგალიზაციის კომისიამ 3 638 განცხადება განიხილა.
,,11 თვის განმავლობაში განხილულია 3 638 მოქალაქის განცხადება, აქედან 1096 მოქალაქეს მიწის ნაკვეთები საკუთრებაში გადაეცათ, 794 ადამიანს კი უარი ეთქვა, რადგან მათ მიერ მოთხოვნილ მიწის ნაკვეთზე ფლობა-სარგებლობა არ დასტურდებოდა. რაც შეეხება დანარჩენ 1436 მოქალაქეს, კომისიის წევრების გადაწყვეტილებით, მათი საკითხები უკეთ შესწავლის მიზნით გადაიდო", - განაცხადა ბექა ნაცვლიშვილმა.
საკრებულოს ინფორმაციით, მიწის ნაკვეთებზე საკუთრების უფლების აღიარების კომისიის სხდომა ყოველ ორშაბათს იმართება და მას დეპუტატების გარდა, უშუალოდ განმცხადებლები, თბილისის მერიის საჯარო რეესტრის, არქიტექტურისა და ზედამხედველობის საქალაქო სამსახურების, ასევე საქართველოს ეკონომიკისა და მდგრადი განვითარების სამინისტროს წარმომადგენლები ესწრებიან. დამატებითი კითხვების არსებობის შემთხვევაში, სპეციალური ჯგუფი არსებულ ვითარებას ადგილზე სწავლობს, აუცილებლობის შემთხვევაში კი მუშაობის პროცესში ექსპერტის ჩართვაც ხორციელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.