დღეს, მსოფლიო თასისთვის მოსამზადებელი ეტაპის ფარგლებში, საქართველოს ეროვნულმა ნაკრებმა პირველი შეხვედრა გამართა.

თბილისის მიხეილ მესხის სახელობის სტადიონზე „ბორჯღალოსნები“ სამხრეთ აფრიკულ „საუზერნ კინგსს“ ეთამაშნენ და ანგარიშით 24:20 გაიმარჯვეს.

პირველი ტაიმი სტუმრების უპირატესობით წარიმართა და სამხრეთ აფრიკელებმა თამაში 12-ქულიანი სხვაობით დაასრულეს - 5:17.

მეორე ტაიმში, მატჩის 50-ე წუთზე, „საუზერნ კინგსმა“ სხვაობა კიდევ სამი ქულით გაზარდა, 67 წუთზე კი „ბორჯღალოსნებმა“ ლელო დადეს და ანგარიში 10-20 გახდა.

დაძაბულობამ მოედანზე კულმინაციას 74-ე წუთზე მიაღწია, როდესაც ქართველმა მორაგბეებმა სამხრეთ აფრიკელთა ჩათვლის მოედანთან მეტოქეს ჯარიმა მიაღებინეს, მსაჯმა ტექნიკული ლელო ჩათვალა და ანგარიში 17-20 გახდა.

ქართველმა მორაგბეებმა 77-ე წუთზე კიდევ ერთი ლელო დადეს, გარდასახვის ზუსტად შესრულების შემდეგ კი საბოლოო ანგარიში 24-20 გახდა.