ჟურნალისტი ელისო კილაძე აცხადებს, რომ დღეს შედგა ვანო ჩხარტიშვილის და ლაშა ნაცვლიშვილის კონსულტაციები სამთავრობო ცვლილებებთან დაკავშირებით და თუკი ივანიშვილი მათ სქემას გაიზიარებს, კვირას უმრავლესობის სხდომა გაიმართება და სამთავრობო ცვლილებები გარდაუვალი იქნება.

„დღეს შედგა ვანო ჩხარტიშვილის და ლაშა ნაცვლიშვილის კონსულტაციები სამთავრობო ცვლილებებთან დაკავშირებით:

ვანო ჩხარტიშვილი ითხოვს სოფლის მეურნეობის მინისტრის პორტფელს (ხორცის, სპირტის და ხორბლის მონოპოლიას ბიზნესში).

ლაშა ნაცვლიშვილი ლობირებს შს მინისტრის პოსტზე ირაკლი ღარიბაშვილს, არგუმენტად მოყავს რეიტინგები, რომელიც ყალბია!

ნაცვლიშვილის გათვლით, ირაკლი ღარიბაშვილის შს მინისტრობა ნიშნავს გიორგი გახარიას უარს პრემიერ მინისტრობაზე.

იგი უსაფრთხოების საბჭოს მდივნად დარჩება! (გახარია ოპოზიციაზე მეტად ქოცებს უშლის ნერვებს).

პრემიერ მინისტრის კანდიდატურად, ივანიშვილს მაია ცქიტიშვილს სთავაზობენ, მის ადგილას ჩხარტიშვილი ასევე საკუთარ კანდიდატურას ნიშნავს (მოადგილესთან დალაგებული აქვს ფულის კეთების სქემა).

თუ ივანიშვილი ამ სქემას გაიზიარებს, კვირას უნდა გაიმართოს უმრავლესობის სხდომა, ხვალ დაავალებენ არჩილ თალაკვაძეს და გიორგი ვოლსკის რომ უმრავლესობის სხდომაზე დეპუტატებმა ხმა არ ამოიღონ, თორემ დედას უტირებენ ყველას (ვციტირებ).

p.s.ქვეყანას მართავს კრიმინალი ჩხარტიშვილი ნარკომან ნაცვლიშვილთან ერთად. ღარიბაშვილის დაბრუნება ნიშნავს ინტრიგებს და დიდ შიდა ომს ოცნებაში, ჩემთვის მეორე სუნთქვას (ბოლო დროს ცოტა მოვეშვი)“, წერს კილაძე სოციალურ ქსელში.