„ლეიბორისტული პარტიის“ ლიდერი შალვა ნათელაშვილი განცხადებას ავრცელებს, სადაც წერს, რომ ბიძინა ივანიშვილი წინასაარჩევნოდ ცდილობს, ხალხს დაავიწყოს რუსეთის ოკუპაცია და საქართველოში ბოლო დროს განვითარებული მდგომარეობა.

„ახლა არავინ გულუბრყვილო ბავშვები აღარ ვართ, რათა ვერ მივხვდეთ, როგორ ცდილობს ივანიშვილი კრემლიდან, ქართველთმოძულე სურკოვის თანადგომით, ჩორჩანას ტყეში პლაცდარმის შესანარჩუნებლად ატეხილი აჟიოტაჟით, წინასაარჩევნოდ, ხალხს დაავიწყოს თუ როგორ შემოაღობინა პუტინს საქართველოს გული, როგორ მიითვისა ოკუპანტებს გადარჩენილი დანარჩენი ქვეყანა კერძო ბიზნესად,როგორ გააჩუქა დავით გარეჯი, როგორ დათხარა თვალები ბავშვებს და სხვა და სხვა მრავალი. ჩორჩანაში კი არა, რაც შეიარაღებული ძალები გაგვაჩნია ყველა უნდა განლაგდეს საოკუპაციო ხაზზე და როცა მთელი ეს ზოლი გადაიქცევა პლაცდარმად, მერე ვნახოთ როგორ შეღობავენ მიწას და როგორ მოგვიკლავენ ტატუნაშვილებს, მაგრამ პუტინის მოთხოვნით გამოყვანილ სპეცრაზმებს, რა თქმა უნდა, პუტინის გოშია ბიძინა იქ უკან ვეღარ დააბრუნებს, აი, ესაა თანამედროვე ისტორიული ტრაგიზმი, რაც უსწრაფესად უნდა დავამთავროთ“ , - განაცხადა ნათელაშვილმა.