საბურთალოს რაიონში, კრისტიან სტივენის ქუჩაზე საგზაო სამუშაოები მიმდინარეობს. პროექტის ფარგლებში, 4 855 კვ.მ ფართობზე ასფალტის ახალი, ორფენიანი საფარი დაიგება.
აღნიშნულ ტერიტორიაზე ასფალტის საფარი ამ დრომდე არ არსებობდა და მოსახლეობა გრუნტის გზით გადაადგილდებოდა. ინფრასტრუქტურული პროექტის დასრულების შემდეგ, ადგილობრივები განახლებული საგზაო ინფრასტრუქტურით ისარგებლებენ.
საგზაო სამუშაოებს საბურთალოს რაიონის გამგებელი გაიოზ ვასაძე და საკრებულოს მაჟორიტარი დეპუტატი ავთანდილ ცინცაძე გაეცნენ.
„მიმდინარე წელს საბურთალოს რაიონში მნიშვნელოვანი პროექტები ხორციელდება. მათ შორის არის სტივენის ქუჩა, სადაც საგზაო სამუშაოები ახლა მიმდინარეობს. მოსახლეობა, რომელსაც გრუნტის გზაზე გადაადგილება უწევდა, პროექტის დასრულების შემდეგ კეთილმოწყობილი გზით ისარგებლებს“, - განაცხადა საბურთალოს გამგებელმა.
სამუშაოებს გამგეობის დაკვეთით, კომპანია „იბერი“ აწარმოებს. პროექტის განსახორციელებლად 342 867 ლარია გამოყოფილი.
სტივენის ქუჩის პარალელურად, საგზაო სამუშაოები მიმდინარეობს ნიკო ბურის ქუჩაზე. აღნიშნულ ტერიტორიაზე სანიაღვრე ქსელი უკვე მოეწყო, ამჟამად კი, ბორდიურის მოწყობა მიმდინარეობს.
ნიკო ბურის ქუჩაზე ასფალტის ორფენიანი საფარი 3 767 კვ.მ ფართობზე დაიგება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.