ორი ადამიანი დაიღუპა, 20 კი დაშავდა ქვემო ქართლში, სოფელ თელეთთან ავტოსაგზაო შემთხვევის შედეგად. დაშავებულები კლინიკაში გადაიყვანეს.

საქართველოს შინაგან საქმეთა სამინისტროს ინფორმაციით, შაბათს, გამთენიისას, ერთმანეთს სამი მიკროავტობუსი და ერთი მსუბუქი ავტომანქანა შეეჯახა.

საქართველოს საზოგადოებრივი მაუწყებლის ცნობით, 17 პაციენტი სომხეთის მოქალაქეა, ორი საქართველოს, ერთი კი – აზერბაიჯანის.

არსებული ინფორმაციით, ერთ-ერთი მიკროავტობუსი, რომელიც ავარიაში მოყვა, ერევნიდან ბათუმის მიმართულებით გადაადგილდებოდა, დაღუპულები კი სომხეთის მოქალაქეები, ქალები არიან.

მომხდარ ფაქტზე გამოძიება სსკ-ის კოდექსის 276-ე მუხლის მერვე ნაწილით (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია) მიმდინარეობს.