მამუკა ბახტაძე პრემიერ მინისტრი არ ყოფილა, ის უბრალოდ იკავებდა პრემიერ მინისტრის ოთახს და ვფიქრობ, გაწირეს ამ ბუტაფორიული პოსტისთვის, – განაცხადა პარტია „თავისუფალი საქართველოს“ თავმჯდომარე კახა კუკავამ მამუკა ბახტაძის მიერ პოსტის დატოვების შესახებ.
მისი თქმით, გადაწყვეტილება ბიძინა ივანიშვილმა მიიღო და აღნიშნა, რომ მინისტრების სწრაფი ცვლა საპარლამენტო სისტემის დისკრედიტაციას იწვევს.
„ეს არ არის პრემიერის გადაწყვეტილება. ეს არის ბიძინა ივანიშვილის გადაწყვეტილება. პრინციპში, ამ პრემიერის მოხსნა კი სწორია, მაგრამ პრემიერ მინისტრების სწრაფი ცვლა იწვევს საერთოდ საპარლამენტო სისტემის დისკრედიტაციას. ამიტომ, ვინც იქნება ახალი პრემიერ-მინისტრი, მას უნდა ჰქონდეს მანდატი და შეძლებისდაგვარად, რეალურად უნდა ხელმძღვანელობდეს მთავრობას.
რაც შეეხება ბახტაძის საქმიანობის შეფასებას, ნულის ნულზე გამრავლება და ნულზე გაყოფა არ შეიძლება. ბახტაძეც იყო, როგორც ამბობენ, საკმაოდ განათლებული, პროფესიონალი კადრი, მაგრამ ის პრემიერ მინისტრი არ ყოფილა. ის უბრალოდ იკავებდა პრემიერ-მინისტრის ოთახს და ვფიქრობ, ეს ადამიანი გაწირეს ამ ბუტაფორიული პოსტისთვის. რჩევა ივანიშვილს – ვისაც დანიშნავ, ერთი წელი წაშალე მობილურიდან მისი ტელეფონი და დაანებე იმ ადამიანს, მართოს ქვეყანა, რჩევა ახალ პრემიერს – მოაშორე მთავრობიდან პირველ რიგში წულუკიანი“, – განაცხადა კახა კუკავამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.