საქართველოს თავდაცვის მინისტრის ირაკლი ალასანიას განცხადებით, რუსეთთან დიალოგი მხოლოდ იმ შემთხვევაში უნდა შედგეს, თუ მას კონკრეტული შედეგი მოჰყვება.
ალასანიას განცხადებით, თუ აღნიშნული შეხვედრა საქართველოს სახელმწიფოებრივ ინტერესებს მოემსახურება, მთავრობა მის შესაძლებლობას განიხილავს.
"ეს შეხვედრა მხოლოდ იმ შემთხვევაში იქნება საჭირო, თუ მას შესაძლებელია ის დიალოგი მოჰყვეს, რომელიც საქართველოს დეოკუპაციამდე მიგვიყვანს. ჩვენი ამოცანაა, რომ ყოველთვის შევიდეთ დიალოგში რუსეთის მხარესთან, იმ შემთხვევაში, თუ ამას კონკრეტული შედეგი შეიძლება მოჰყვეს. გამომდინარე აქედან, თუკი შეხვედრა ჩვენს სახლმწიფოებრივ ინტერესებს მოემსახურება, ამ შემთხვევაში ასეთ შესაძლებლობას განვიხილავთ" - განაცხადა ალასანიამ.
ორი დღის წინათ სოჭში რუსეთის ფედერაციის პრეზიდენტმა ვლადიმერ პუტინმა ჟურნალისტებთან საუბრისას აღნიშნა, რომ სურვილის შემთხვევაში, ის მზად არის საქართველოს პრეზიდენტთან შესახვედრად. საქართველოს პრეზიდენტმა გიორგი მარგველაშვილმა კი განაცხადა, რომ ის პუტინის ამ რეპლიკას სერიოზულად და ზედმიწევნით გაანალიზებს. რუსეთთან პირდაპირი დიალოგის მზადყოფნა საქართველოს პრემიერ-მინისტრმა ირაკლი ღარიბაშვილმაც დააფიქსირა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.