პარტია „კანონი და სამართალი“-ს დამფუძნებელი თაკო ჩარკვიანი სამთავრობო ცვლილებებს ეხმაურება და „ფეისბუქზე“ წერს, რომ ირაკლი ღარიბაშვილის თავდაცვის მინისტრის პოსტზე დანიშვნა მხოლოდ იმას ნიშნავს, რომ საქართველო დაცული არ იყოს და უფრო იოლი იყოს ქვეყნის ოკუპანტზე „გადაბარება“.

„ღარიბაშვილი თავდაცვის მინისტრად - კაცი, რომელიც ქვეყნის საჰაერო დაცვის წინააღმდეგ წავიდა და ალასანიას ხელი შეუშალეს მაშინ და გაათავისუფლეს და კაბელების საქმეც ამას მოჰყვა, როცა უდანაშაულო ხალხი ციხეში ჩაყარეს (ყველას გვახსოვს). ანუ ეს ნიშნავს: ღარიბაშვილი თავდაცვაში იმიტომ, რომ საქართველო დაცული არ იყოს! უფრო იოლი იქნება ოკუპანტზე „გადაბარება“, მხოლოდ ამას ნიშნავს!

„რაც შეეხება გახარიას - დღევანდელი პროცესით „კმაყოფილი“ გავრილოვის გამოსვლით, ცხადია (თუ კიდევ ვინმეს არ სჯეროდა) ვინ ჩასვა საქართველოს საკანონმდებლო ორგანოს პირველ სკამში - რუსეთის კომპარტიის წევრი გავრილოვი! ხელისუფლებავ - საქართველოს „გადამბარებლებო“ გვიფრთხილდით, ქვეყნის ღალატს არ გაპატიებთ!“, წერს თაკო ჩარკვიანი.