ეს შეიძლება იყო „გავრილოვის დღე“, თუმცა ეს იყო ერთმნიშვნელოვნად „პარლამენტის შენობის შტურმის ღამე“ და ყველაფერს გავაკეთებთ, რომ ეს ტერმინი დავამკვიდროთ, - განაცხადა საქართველოს პრემიერ მინისტრობის კანდიდატმა გიორგი გახარიამ ფრაქციის ფორმატში მთავრობის შემადგენლობისთვის ნდობის გამოცხადების საკითხის განხილვისას.

მისი თქმით, უკანონო ბრძანება, განსაკუთრებით იმ ღამეს, არ გაცემულა.

„ჩვენ, რა თქმა უნდა, გვესმის ყველაფერი, რაც ამ დღესთან არის დაკავშირებული, თუმცა ერთმნიშვნელოვნად გვაქვს პოზიცია, რომ ეს შეიძლება იყო „გავრილოვის დღე“, თუმცა, ეს იყო ერთმნიშვნელოვნად „პარლამენტის შენობის შტურმის ღამე“ და ჩვენ ყველაფერს გავაკეთებთ იმისთვის, რომ ეს ტერმინი დავამკვიდროთ.

იმ ღამეს განსაკუთრებით უკანონო ბრძანება არ გაცემულა, ამაზე ჩვენ ვაგებთ პასუხს და როდესაც ჩვენ ვიღებთ დამტებით პასუხისმგებლობას იმის სახით, რომ ვსხვედვართ თქვენ წინაშე და პასუხებს ვცემთ თქვენს კითხვებს, კიდევ ერთხელ ადასტურებს იმას, თუ რამდენად ვართ ჩვენ ჩვენს სიმართლეში დარწმუნებულები, ამას გამოძიებაც დაადასტურებს, დრო და პოლიტიკური შეფასებებიც“ , - განაცხადა გახარიამ.