პარლამენტთან მომხდარ ინციდენტს, რომლის დროსაც „პატრიოტთა ალიანსის“ წევრი, დეპუტატი ემზარ კვიციანი აქცია „სირცხვილიას“ აქტივისტებს, რომლებიც მას „მონას“ უძახდნენ, სიტყვიერ და ფიზიკურ შეურაცხყოფას აყენებს, „ლეიბორისტული პარტიის“ თავმჯდომარე, შალვა ნათელაშვილი ეხმაურება.

„კვირაძალზე, დილაადრიან, რუსი ოლიგარქის თანამებრძოლი დეპუტატის თავდასხმამ მშვიდობიანი აქციის მონაწილე ახალგაზრდებზე, არა მარტო სამოქალაქო მოსახლეობაზე პარლამენტართა ძალადობის მსოფლიო რეკორდი მოხსნა, არამედ ნათლად აჩვენა რეჟიმის მზადყოფნა ძალაუფლების შესანარჩუნებლად გამოიყენოს არა მარტო რეზინის ტყვიები, არამედ ძალადობის ნებისმიერი ფორმა პუტინის შეიარაღებული ძალების ჩათვლით. ახლა ვეკითხები ბავშვიყლაპია მთავრობას - ახლაც ვინმე აპირებდა პარლამენტში შემოჭრას თანაც ცხვრებით? ვაი თქვენს პატრონს და ჩვენსასაც. მოკლედ მათი და ჩვენი საშველი ამ პარაზიტთა სამუდამო მოკვეთაა ეროვნული სხეულიდან.სხვა გზას არ გვიტოვებენ. მე ამ წუთებში ვნანობ ერთადერთს - ათეული წლის წინ როდესაც ემზარ კვიციანი დააპატიმრეს მე ის მაინც შემეცოდა და  დავიცავი რის გამო კინაღამ მეც დამიჭირეს. არ ყოფილა თურმე ის დაცვის  ღირსი“, აცხადებს ნათელაშვილი.