ლიეტუვა ევროპულ და ევროატლანტიკურ სტრუქტურებში საქართველოს ინტეგრაციის აქტიური, მკაფიო მხარდამჭერია და ამ მიმართულებით დახმარებას მომავალშიც განაგრძობს, - განაცხადა ლიეტუვას საგარეო საქმეთა მინისტრმა ლინას ლინკევიჩუსმა საქართველოს პრემიერ მინისტრ გიორგი გახარიასთან შეხვედრისას.
ყურადღება გამახვილდა სხვადასხვა სფეროში საქართველო-ლიეტუვის მჭიდრო ორმხრივ ურთიერთობებსა და საერთაშორისო ორგანიზაციების ფარგლებში აქტიურ თანამშრომლობაზე.
პოზიტიურად შეფასდა ქვეყანაში განხორციელებული რეფორმები, მათ შორის საარჩევნო სისტემის დახვეწის მიმართულებით, კერძოდ მომავალი საპარლამენტო არჩევნების პროპორციული წესით ჩატარების შესახებ მიღებული გადაწყვეტილება.
საუბარი ასევე შეეხო რეგიონში მიმდინარე პროცესებს და საქართველოს ოკუპირებულ ტერიტორიებზე უსაფრთხოებისა და ჰუმანიტარული კუთხით არსებულ მძიმე მდგომარეობას. ხაზი გაესვა საერთაშორისო პარტნიორების მიერ საქართველოს ტერიტორიაზე არსებული კონფლიქტების საკითხის მაღალ დონეზე განხილვის აუცილებლობას, როგორც საერთაშორისო ფორმატებში, ასევე რუსეთთან ორმხრივ დიალოგში. ლიეტუვის საგარეო საქმეთა მინისტრმა კიდევ ერთხელ დაადასტურა საქართველოს ტერიტორიული მთლიანობისა და სუვერენიტეტისადმი მტკიცე მხარდაჭერა.
შეხვედრისას, ხაზგასმით აღინიშნა ევროპული და ევროატლანტიკური ინტეგრაციის გზაზე ქვეყნის მიერ მიღწეული პროგრესი. პრემიერმა ისაუბრა ნატოსთან გააქტიურებულ ურთიერთობებზე და ამ კონტექსტში ჩრდილოატლანტიკური საბჭოს ვიზიტზე, რომელიც საქართველოში უახლოეს მომავალში იგეგმება.
მთავრობის მეთაურმა ლიეტუვას საქართველოს აქტიური მხარდაჭერისთვის მადლობა გადაუხადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.