„ძალიან გულწრფელად მინდა ვუთხრა სააკაშვილს. პირველ რიგში მან ტონი და სიტყვათა წყობა შეცვალოს. მე მესმის პოლიტიკა, მე მესმის კონკურენცია, მაგრამ სიტყვათა წყობა და შეურაცხყოფა შეცვალოს“, განაცხადა „ტვ პირველის“ გადაცემა „რეაქციაში“ სტუმრობისას მამუკა ხაზარაძემ,

„ის ჩემთვის არ წარმოადგენს არანაირად, არანაირად იმ ადამიანს, ადამიანს რომელსაც ქვეყანა ირჩევს პრეზიდენტად და ადამიანი, რომელიც გაურბის მართლმსაჯულებას და იცვლის პასპორტს, ის ჩემთვის დამთავრებული ადამიანია. ამას მთელი სერიოზულობით გეუბნებით. მე ამ ქვეყნიდან 15 წლის წინათაც შემეძლო წასვლა და მანამ სისხლის სამართლის საქმეც აღიძვრებოდა ჩემს წინააღმდეგ, მაშინაც შემეძლო ქვეყნიდან წასვლა და არ წავსულვარ. არც პასპორტი გამომიცვლია და არც ბიზნესი გადამიტანია სხვაგან, თუმცა მე როგორც ბიზნესმენს, შემეძლო ამის გაკეთება. როცა პრეზიდენტი ხარ და პასპორტს იცვლი და ამბობ, იცი, რაა, დამიჭერდნენ და ა.შ. მთავარსარდალი ხარ, იქ ჩემთვის მთავრდება ყველაფერი. ამიტომ, ოდესიდან ელაპარაკოს ოდესელებს და ის განცხადებები, რომელსაც აკეთებს, შეინახოს თავისთვის“, განაცხადა ხაზარაძემ და კატეგორიულად გამორიცხა როგორც „ნაციონალურ მოძრაობასთან“, ისე „ქართულ ოცნებასთან“ თანამშრომლობა.