ამ შეხვედრის შესახებ არ მსმენია და არ ვყოფილვარ, – უთხრა ფინანსთა მინისტრმა, ივანე მაჭავარიანმა ჟურნალისტებს საზოგადოებრივი მოძრაობა „ლელოს“ დამფუძნებლის, მამუკა ხაზარაძის მიერ „ტვ პირველის“ ეთერში ხუთშაბათს გაკეთებული განცხადების საპასუხოდ, რომლის მიხედვითაც ბიძინა ივანიშვილის სოლოლაკის სასახლეში მასთან ვანო ჩხარტიშვილის და მაშინდელი გენერალური პროკურორის თანდასწრებით შეხვედრა შედგა, სადაც ხაზარაძის თქმით, ივანიშვილმა მას „პატარა სასამართლო“ მოუწყო.

„იცით, როგორ მისვამთ კითხვას? რომ ფაქტი მომხდარია და ჩემი შეფასება გინდათ. ჯერ დაადასტურეთ ფაქტი, იყო თუ არა შეხვედრა, ვინ იყო ამ შეხვედრაზე. არ ვიცი ამ შეხვედრის შესახებ, არ ვყოფილვარ და აბა, რა გითხრათ. წარმოდგენა არ მაქვს დღეს ვინ არის სანდო და ვინ არ რის სანდო. მე ვიცი ერთი რამ, ამ შეხვედრის შესახებ არ მსმენია და არ ვყოფილვარ. დანარჩენი, თქვენ მითხარით ქართულ პოლიტიკაში ვინ არის სანდო და ვინ არ არის სანდო“, – განუცხადა მაჭავარიანმა ჟურნალისტებს.