ახალი სასწავლო წლის დაწყება დუშეთისა და არაგვისპირის საჯარო სკოლებისა და საბავშვო ბაღების მოსწავლეებს, დუშეთის მუნიციპალიტეტის მერმა ზურაბ სეხნიაშვილმა, მცხეთა-მთიანეთის სახელმწიფო რწმუნებულმა შალვა კერესელიძემ და მუნიციპალიტეტის საკრებულოს თავმჯდომარემ გიორგი ინაშვილმა მიულოცეს.
ზურაბ სეხნიაშვილმა ღონისძიებაზე სიტყვით გამოსვლისას აღნიშნა, რომ სახელმწიფო რწმუნებულის დახმარებითა და დუშეთის მუნიციპალიტეტის საკრებულოს ორგანიზებით, ყველა I-IV კლასელ მოსწავლეს საჩუქრად გადაეცა სასკოლო ჩანთა და საკანცელარიო ნივთები, ხოლო განათლების სამინისტროს მიერ მუნიციპალიტეტების დაფინანსების პროგრამის ფარგლებში, 10 საჯარო სკოლა და 3 სკოლა-პანსიონი ახალ სასწავლო წელს რეაბილიტირებულ მდგომარეობაში შეხვდა. საგანმანათლებლო დაწესებულებების ნაწილში სამუშაო პროცესი სწავლის პარალელურად გაგრძელდება და უახლოეს დღეებში დასრულდება.
ადგილობრივი და რეგიონული ხელისუფლების წარმომადგენლებმა ნაყოფიერი სასწავლო წელი უსურვეს მასწავლებლებს და მოსწავლეებს, განსაკუთრებით კი მათ, ვინც დღეს პირველად შეაღო სკოლის კარი.
დუშეთის მუნიციპალიტეტის საჯარო სკოლებში წელს 242 პირველკლასელი მივიდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.