საზოგადოება „სტალინელის“ თავმჯდომარემ გრიგოლ ონიანმა, ლენტეხის მუნიციპალიტეტის სოფელ სასაშში საკუთარი სახლის ეზოში სტალინის 6-მეტრიანი ძეგლი აღმართა. ძეგლის დადგმის შესახებ მან „ასავალ-დასავალთან“ ისაუბრა.
„ძალიან გახარებული ვარ, ოცნება ავისრულე. დღეს საქართველოში (მართალია, ჩემს საკუთარ ეზოში, მაგრამ ჩემი ეზოც ხომ საქართველოს ეკუთვნის) სტალინის უზარმაზარი ექვსმეტრიანი ძეგლი აღიმართა.“- განაცხადა ონიანმა.
მისივე თქმით, გული წყდება, რომ ბელადის ძეგლი საზოგადოებრივი თავშეყრის ადგილზე არ დგას, მაგრამ ვისაც მისი ნახვა სურს, მის ეზოშიც ნახავს მონუმეტს. გრიგოლ ონიანი იმედს გამოთქვამს, რომ ხელისუფლება ძეგლის დემონტაჟს არ მოახდენს.
მისი თქმით ძეგლი 1961 წლამდე ფოთში იდგა და შემდეგ მან 1992 წელს დამარხული აღმოაჩინა.
ცნობილი ფოტოხელოვანი ბადრი ვადაჭკორია სოციალური ქსელით სტალინის ძეგლის ფოტოებს აქვეყნებს და წერს, რომ ძეგლის აღმართვიდან "მეორე დილიდანვე დაიწყო ტურისტების დენა ახალ საინტერსო მარშრუტზე".
"ახლა იმის შესახებ თუ რატომ აღმოვჩდით ლენტეხის რაიონის სოფელ სასაშში...
14 აგვისტოს გავიგე რომ აღმოჩენილია 1961 წელს დაკარგული, ხრუშჩოვის საქართველოში ვიზიტის გამო მოხსნილი, ფოთის ცენტრში მდგარი ი.სტალინის 6 მეტრიანი ქანდაკება...ის მართლაც ყოფილი კიროვის ქარხნის ტერიტორიაზე ინახებოდა...
ქანდაკება ცნობილ მოქანდაკე ვალენტინ თოფურიძეს ეკუთვნის მასვე ეკუთვნის ილიას და აკაკის არაჩვეულებრივი ქანდაკება პირველი გიმნაზიის წინ...
სტალინის ქანდაკება დაახლოებით 30 ტონას იწონის და ქვის მთლიანი ლოდისგან არის ყველაზე მარტივი იარაღებით შექმნილი....
მიტოვებული ქანდაკების პატრონობა სტალინის საზოგადოების თავმჯდომარემ საოცრად კოლორიტულმა პიროვნებამ ბატონმა გრიშა ონიანმა იკისრა და ძეგლი თავისი მამაპაპისეულ მამულში ლენტეხის რაიონის სოფელ სასაშში ააბრძანა და ალბათ სამუდამო ადგილიც მიუჩინა.. მეორე დილიდანვე დაიწყო ტურისტების დენა ახალ საინტერსო მარშრუტზე.... მალე გორელებიც ესტუმრნენ სასაშს...." - წერს ბადრი ვადაჭკორია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.