დღეს, სენაკის მუნიციპალიტეტის საკრებულოს თავმჯდომარე ხვიჩა ჯიშკარიანი თანამდებობიდან იმპიჩმენტის გზით გაადააყენეს. ხვიჩა ჯიშკარიანმა მომხდართან დაკავშირებით ვრცლად ისაუბრა და მისი გადაყენების ინიციატორებად სენაკის რაიონის გამგებელი, მაჟორიტარი დეპუტატი და სამეგრელო ზემო სვანეთის მხარის გუბერნატორი დაასახელა. ჯიშკარიანის თქმით, ამ ადამიანებმა პრემიერ-მინისტრი ირაკლი ღარიბაშვილი შეცდომაში შეიყვანეს და მისი თანამდებობიდან გათავისუფლების აუცილებლობაში დაარწმუნეს.
ხვიჩა ჯიშკარიანი აცხადებს, რომ მასთან „ქართული ოცნების“ რეგიონული კურატორი დიტო სამხარაძე მივიდა და გადასცა პრემიერ-მინისტრის ულტიმატუმი, რომ ჯიშკარიანს თანამდებობა ორი დღის ვადაში საკუთარი ნებით უნდა დაეტოვებინა. ულტიმატუმის ვადა დღეს ამოიწურა, რის შემდეგაც საკრებულოს 24-მა წევრმა ჯიშკარიანის იმპიჩმენტის საკითხს მხარი დაუჭირა.
ხვიჩა ჯიშკარიანის განცხადებით, საკრებულოს წევრებზე სხვადასხვა სახის ზეწოლა მიმდინარეობდა. მისივე განცხადებით ხელისუფფლება საკრებულოს რამდენიმე წევრს მხარდაჭერის სანაცვლოდ სხვადასხვა სახის დახმარების გაწევას დაპირდა.
საკრებულოს ყოფილი თავმჯდომარე აცხადებს, რომ იგი ბიძინა ივანიშვილის კადრად მოიაზრებოდა და სწორედ ეს გახდა მისი გადაყენების მიზეზი. მისივე განცხადებით ბიძინა ივანიშვილის კადრებზე მიზანმიმართული შეტევა მიმდინარეობს.
newposts.ge
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.