არავისთან არ მაქვს ბოდიში მოსახდელი, რამდენჯერაც იქნება ასეთი ამორალური პროვოკაცია და თავდასხმა, მიიღებს პასუხს, – განაცხადა დამოუკიდებელმა დეპუტატმა, ეკა ბესელიამ უმრავლესობის წევრ ვანო ზარდიაშვილთან მომხდარ ფიზიკურ დაპირისპირებაზე საუბრისას ჟურნალისტებთან საუბრისას.

ეკა ბესელიას განცხადებით, ზარდიაშვილი დღეს „ქართული ოცნების“ სახელით ლაპარაკობდა და სწორედ ამიტომ ის პასუხისმგებლობას პარტიის თავმჯდომარეს, ბიძინა ივანიშვილს აკისრებს.

„პირველი რაც მინდა ვთქვა, დღეს იყო იაფფასიანი დაგეგმილი პროვოკაცია. ძალიან შეგნებულად გამოუშვა როგორც ჩანს, ჩინჩალაძემ და მისმა კლანმა ეს არარაობა, ყოველთვის მათი მონა ზარდიაშვილი პროვოკაციის მოსაწყობად. მათ შეხედეს, როგორ რთულ სიტუაციაში აღმოჩნდა მათი რჩეული მსაჯული მოსამართლე, რომელიც ვერ უძლებდა კითხვებს, რომელიც მისი მისამართით არსებობდა, კადრები რომელიც გავუშვით ააშკარავებდა იმ სურათს, რაც აქვს დაგეგმილი „ქართულ ოცნებას“. აი, ამის გადასარჩენად შემოუშვეს „ქართული ოცნების“ სახედ ქცეული ზარდიაშვილი, რომელმაც მიიღო პასუხი ჩემგან ამ პროვოკაციაზე. მე მასაც და სხვასაც ვაფრთხილებ, არავისთან არ მაქვს ბოდიში მოსახდელი. რამდენჯერაც იქნება ასეთი ამორალური პროვოკაცია და თავდასხმა, მიიღებს პასუხს“, – განაცხადა ეკა ბესელიამ.

დეპუტატებს - ეკა ბესელიასა და ვანო ზარდიაშვილს შორის მომხდარი ფიზიკური დაპირისპირების გამო იურდიულ საკითხთა კომიტეტის სხდომა შეწყდა.

ბესელია ზარდიაშვილს იურიდიული კომიტეტის სხდომაზე ხელით შეეხო.