„მინდა მინდა მოგახსენოთ, რომ სრულ განაკვეთზე მყოფი მასწავლებლების ანაზღაურება იზრდება, როგორც მიმდინარე, ასევე მომავალი წლის სასწავლო წლის განმავლობაში, რაც ნიშნავს, რომ 2020 წლის სასწავლო წლისთვის მასწავლებლების ხელფასი გაიზრდება 300 (სამასი) ლარით“, - განაცხადა საქართველოს პრემიერ მინისტრმა, გიორგი გახარიამ მთავრობის რიგგარეშე სხდომაზე.

პრემიერის თქმითვე, „2020 წლის სასწავლო წლისთვის საბავშვო ბაღების მასწავლებლების ხელფასები გაიზრდება საშუალოდ, 100 ლარით“.

„გარდა ამისა, გაგრძელდება ხელფასების მატება სამართალდამცველების, ჯარისკაცების და მათან გათანაბრებული პირებითვის და სახელმწიფო თავისი ვალლდებულების ფარგლებში ამ ჯგუფს ხელფასს გაუზრდის, მინიმუმ 125 ლარით“, თქვა გახარიამ.

ვასრულებთ მუშაობას 2020 წლის ბიუჯეტზე. ბიუჯეტის პროექტი შრომის შედეგია მთელი ჩვენი გუნდის. ამ ბიუჯეტის ეფექტიანი შესრულებაზე იქნება დამოკიკდებული ჩვენი ქვეყნის განვითარება, - განაცხადა გიორგი გახარიამ მთავრობის რიგგარეშე სხდომაზე.

მან ასევე აღნიშნა, რომ 2020 წლის ბიუჯეტში გათვალისწინებულია ყველა პენსიონერისთვის 20 ლარით პენსიის გაზრდა, 1-ლი ივლისიდან კი 70 წელს გადაცილებული პენსიონერებისთვის დამატებით 30 ლარით გაზრდა.

„პრინციპების დონეზე ჩვენ შეგვიძლია ვთქვათ, რომ 2020 წლის ბიუჯეტში გათვალისწინებულია ყველა პენსიონერისთვის, ასევე 18 წლამდე ასაკის და პირველი და მეორე ჯგუფის შეზღუდული შესაძლებლობის მქონე პირებისთვის 20 ლარით პენსიის ზრდა.

„გარდა ამისა, პირველი ივლისიდან, ასევე 70 წელს გადაცილებული პენსიოერებისთვის დამატებით პენსიის 30 ლარით ზრდა, რაც იმას ნიშნავს, რომ მომავალი წლის ბიუჯეტში ამ ჯგუფის მოქალაქეებს პენსია გაეზრდებათ 50 ლარით“, განაცხადა გახარიამ.