(GUARDIAN.GE) - „ბიძინა ივანიშვილის მმართველობა არა მხოლოდ ერთპიროვნული და არაფორმალურია, არამედ კრიმინალურიც. ის, ვინც ივანიშვილს გარემოცვის სახით თავს ახვევია, ყველას კრიმინალური მსოფლმხედველობა აქვს, ანუ, აქ გასაკვირი არაფერი არ არის“, - განაცხადა ტელეკომპანია „კავკასიას“ ეთერში „გამარჯვებული საქართველოს“ წარმომადგენელმა ვალერი გელბახიანმა და გააფრთხილა ივანიშვილი, რომ თუ ხელისუფლების არჩევნების გზით შეცვლა არ მოხდება და პოლიტიკური ოპონენტების მოსპობას და განადგურებას ექნება ადგილი, ეს „ხალხის სამოქალაქო ომში დაპატიჟება“ იქნება და „პარტიზანშჩინა თუ გააჩინე ამ ქვეყანაში, ტყეები გაგევსება ავტომატიანი ხალხით“, და „სახრჩობელები ელოდება ყველას ბოლოში, ვინც ქვეყანას ასე ღალატობს“.

„როცა მიდიხარ ხალხის წინააღმდეგ, მერე ნახავ რა არის რეპრესიის პასუხი. .. რანაირი გეგმებიც არ უნდა ჰქონდეს „ქართულ ოცნებას“ და ბიძინა ივანიშვილს, ჯერ არსებობს ქართველი ერი, არსებობს ქართველი ხალხი, მიუხედავად იმისა, რომ მილიონ 300 ათასი ქართველის გადინება მოხდა. არავინ იფიქროს, რომ მათ არ შესტკივათ გული საქართველოზე და შორიდან დაუწყებენ მოვლენებს ყურებას, არ დაუწყებენ შორიდან მოვლენებს ყურებას, ისინი მიიღებენ არჩევნებში მონაწილეობას. ძალიან მინდა, რომ არჩევნებით შეიცვალოს აქ ხელისუფლება, ძალიან მინდა... და თუ ის [დიდი რეპრესიები] დაიწყო, დაუქადნია, ეს იმას ნიშნავს, რომ სამოქალაქო ომში ეპატიჟება ხალხს, მთელ საქართველოს. ეს იმას ნიშნავს, რომ ამ ომს დენთის სუნი უდის და დენთის სუნი სადაც არის, იქ გამარჯვება და დამარცხება დამოკიდებული არის პატრიოტებზე და შემართულ ადამიანებზე. ერთი მოიკითხეთ, გვერდში ბატონო ბიძინა რამდენი პატრიოტი გყავთ. თუ ამ ომს იწყებთ, იკითხეთ ვინ დაგიდგებათ გვერდით და პარტიზანშჩინა თუ გააჩინე ამ ქვეყანაში, ტყეები გაგევსება ავტომატიანი ხალხით, ამიტომ თუ ვინმე ამას გიქადაგებთ, ამოირეცხეთ ტვინიდან, იმიტომ, რომ ჯერ ერთი, არ უნდა აკადროთ ეს საქართველოს, ამ ისტორიის ხალხს. და მერე ვინც ამას ისმენს დარბაზში და მას ჰგონია, ოღონდ სკამი შევინარჩუნო და აი ეს იქნება, კი არ იქნება, სახრჩობელები ელოდება ყველას ბოლოში, ვინც ქვეყანას ასე ღალატობს“, განაცხადა ვალერი გელბახიანმა.