პროექტის, "ღია შეხვედრების" ფარგლებში, ხელისუფლების წარმომადგენლებთან მოსახლეობის მიერ დასახელებული საჭიროებების დაკმაყოფილება დაიწყო. ნოემბრიდან, წყალტუბოს მუნიციპალიტეტის სოფელ ახალი საყულიის საბავშვო ბაღში სწავლას სკოლამდელი ასაკის ყველა ბავშვი შეძლებს.
ამ დრომდე, ბაღი სოფლად არსებული კონტიგენტის სრულად მიღებას ვერ ახერხებდა და შერეულ ჯგუფში მხოლოდ 39 აღსაზრდელი ირიცხებოდა, ნოემბრიდან კი, მათ კიდევ 25 ბავშვი შეემატებათ. ახალი ჯგუფის მიღება ბაღში დამატებითი სივრცის რეაბილიტაციის შემდეგ გახდება შესაძლებელი.
ამ დროისთვის, ადგილზე კეთილმოწყობის სამუშაოები მიმდინარეობს. სამშენებლო ღონისძიებებისთვის ადგილობრივი ბიუჯეტიდან 46 343 ლარია გამოყოფილი. მიმდინარე პროცესი იმერეთში სახელმწიფო რწმუნებულმა ზვიად შალამბერიძემ დაათვალიერა.
სოფელ ახალი საყულიის ბაღის დამატებითი სივრცის რეაბილიტაციის საჭიროება სოფლის მოსახლეობამ ხელისუფლების წარმომადგენლებთან პროექტის, "ღია შეხვედრების" ფარგლებში, დააყენა. ხელისუფლების სხვადასხვა რგოლის წარმომადგენლების მოსახლეობასთან ღია შეხვედრები ივლისში დაიწყო და ამ დრომდე, 300-ზე მეტ სოფელში შედგა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.