საქართველოს ყოფილმა პრეზიდენტმა, მიხეილ სააკაშვილმა „ფეისბუქით“ გავრცელებულ ვიდეოში განაცხადა, რომ უკრაინაში მოკლული შოთა ჭიჭიაშვილი - „ძალიან ცნობილი და საშიში ქართველი კრიმინალი, თამაზაშვილის აგენტი იყო“, რომელიც „ივანიშვილის ბრძანებით, ჩასვეს შეწყალებულთა სიაში“, შემდეგ კი, „სხვადასხვა დროს ასრულებდა ღარიბაშვილის და თამაზაშვილის დავალებებს“.

„კიევში პოლიციას შემოაკვდა ურთიერთსროლისას, ძალიან ცნობილი და საშიში ქართველი კრიმინალი, რომელიც იყო თამაზაშვილის აგენტი, რომელიც ჩემს დროს 22 წლით გასამართლებული იქნა უამრავი დანაშაულისთვის და მერე ივანიშვილის ბრძანებით ჩასვეს შეწყალებულთა სიაში და შემდეგ, სხვადასხვა დროს ასრულებდა ღარიბაშვილის და თამაზაშვილის დავალებებს.

„ეს კაცი რამდენიმე თვის წინ ჩამოვიდა უკრაინაში, ჰქონდა მთელი არსენალი ძალიან დახვეწილი იარაღების და მე ვფიქრობ ძალიან ბევრი საინტერესო რამე გაირკვევა - რატომ იყო უკრაინაში? რატომ ჩამოვიდა? ვისი დავალებით ჩამოვიდა? რატომ დააწინაურეს ღარიბაშვილი სწორედ ამ დროს თავდაცვის მინისტრად და საერთოდ რა კავშირებია აქ და რა იყო კონკრეტული დავალება ამ ადამიანისთვის? მე მგონი, შემდეგ დღეებში იქნება ამაზე ლაპარაკი. მე არ მინდა დღეს ამაზე ვრცლად საუბარი, თუმცა ბევრი რაღაცა ვიცი“, განაცხადა მიხეილ სააკაშვილმა.