თბილისში, N185 ბაგა-ბაღში მინი ავტოქალაქის პრეზენტაცია გაიმართა. ღონისძიებას დედაქალაქის მერი კახა კალაძე მერის მოადგილეებთან ერთად დაესწრო. თბილისის მერმა პროექტში აქტიური მონაწილეობისთვის მადლობა გადაუხადა შინაგან საქმეთა სამინისტროს მომსახურების სააგენტოს.
„პატარა გლდანში, 185-ე საბავშვო ბაგა-ბაღის რეაბილიტაციის ფარგლებში, ბაღის კეთილმოწყობილი ეზოს ტერიტორიაზე, ჩვენ მინი ავტოქალაქის პროექტი განვახორციელეთ. ბაღის ეზოში მოწყობილია საგზაო ნიშნები, შუქნიშნები და ზებრა გადასასვლელები. პატარებს ასწავლიან, თუ როგორ უნდა იმოძრაონ ქალაქში. აცნობენ საგზაო ნიშნებს, რომელთაც ჩვენ მოძრაობისას ვიყენებთ. ეს პროექტი მნიშვნელოვანია იმ თვალსაზრისით, რომ ბავშვები თავიდანვე სწავლობენ მოძრაობის წესებს და თან ამ პროცესში ხალისით მონაწილეობენ. ჩვენ ასეთი დამოკიდებულება გვექნება ყველა ბაგა-ბაღის მიმართ, რომელთა ეზო მსგავსი პროექტების განხორციელების შესაძლებლობას მოგვცემს“, - განაცხადა კახა კალაძემ.
პროექტი, რომელიც მიზნად ისახავს სკოლამდელი ასაკის ბავშვებში საგზაო მოძრაობის შესახებ საბაზისო ცოდნის გადაცემას, მაჟორიტარი დეპუტატის, შალვა ოგბაიძის ინიციატივის საფუძველზე, თბილისის საბავშვო ბაგა-ბაღების მართვის სააგენტომ განახორციელა.
ავტოქალაქის ტერიტორიაზე დამონტაჟებულია ძირითადი საგზაო ნიშნები, დახაზულია გზა, განსაზღვრულია პარკინგის ადგილები, დამონტაჟებულია ავტობუსის მინიატურული გაჩერებები, სარკეები და შუქნიშნები.
ღონისძიებაზე სასკოლო მზაობის ჯგუფების აღსაზრდელებმა, საბავშვო სატრანსპორტო საშუალებებით, იმიტირებული საგზაო მოძრაობა წარმოადგინეს. გაითამაშეს შუქნიშნითა და ქვეითთა გადასასვლელებით სარგებლობის სცენები. მოძრაობის ორგანიზებაში პატარებს საპატრულო პოლიციის ეკიპაჟები ეხმარებოდნენ.
ღონისძიებას ესწრებოდნენ თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე, გლდანის რაიონის გამგებელი ბექა მიქაუტაძე, შინაგან საქმეთა სამინისტროს მომსახურების სააგენტოს ხელმძღვანელი მარიანა მორგოშია, საკრებულოს მაჟორიტარი დეპუტატები და საქართველოს შინაგან საქმეთა სამინისტროს მომსახურების სააგენტოს წარმომადგენლები, რომლებმაც ბავშვებს სიმბოლური მართვის მოწმობები გადასცეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.