საქართველოში ჩრდილოატლანტიკური საბჭოს ვიზიტის ფარგლებში საქართველოს საგარეო საქმეთა მინისტრმა შეხვედრა გამართა ნატო-ს გენერალური მდივნის მოადგილე, როუზ გოტმიოლერთან.
შეხვედრაზე მხარეებმა იმსჯელეს ევრო-ატლანტიკური ინტეგრაციის პროცესში საქართველოს მიერ მიღწეულ პროგრესზე, ოკუპირებულ ტერიტორიებზე არსებულ ვითარებასა და ქვეყნის შიგნით მიმდინარე ყოვლისმომცველ რეფორმებზე. დავით ზალკალიანმა როუზ გოტმიოლერს მიაწოდა დეტალური ინფორმაცია ოკუპირებულ ტერიტორიებზე არსებული მდგომარეობის შესახებ, მათ შორის ე.წ. „ბორდერიზაციის“ პროცესის გააქტიურებასა და იქ შექმნილ მძიმე ჰუმანიტარულ მდგომარეობაზე.
მხარეებმა განიხილეს საქართველოს ნატო-ში გაწევრიანებასთან დაკავშირებული საკითხების ფართო სპექტრი. შეხვედრაზე ყურადღება ასევე გამახვილდა საქართველოს როგორც ნატო-ს ასპირანტი ქვეყნის მნიშვნელოვან წვლილზე საერთო ევრო-ატლანტიკური უსაფრთხოებაში და აღინიშნა შავი ზღვის უსაფრთხოების განმტკიცების კუთხით საქართველოსა და ნატო-ს თანამშრომლობის გაძლიერების აუცილებლობაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.