ხონის მუნიციპალიტეტში ლატვიის ქალაქ ტუკუმსის ბიზნეს სექტორის წარმომადგენლები იმყოფებოდნენ. შეხვედრა, ადგილობრივი ხელისუფლების ხელშეწყობით მეწარმეებსა და საგანმანათლებლო დაწესებულებების ხელმძღვანელებთან გაიმართა და მთავარ მიზანს საინვესტიციო პოტენციალის გაცნობა წარმოადგენდა.

საუბრისას ყურადღება გამახვილდა განათლების, სოფლის მეურნეობისა და ტურიზმის სფეროების განვითარებასა და გაცვლით პროგრამებზე. სტუმრებმა ხონელი სპორტსმენების დამეგობრებული ქალაქის სპორტულ ტურნირებში მიწვევის სურვილი გამოთქვეს.. ლადო ჯურხაძემ მეწარმეებს გაერთიანების შექმნის იდეა შესთავაზა, რაც უფრო მეტად შეუწყობს ხელს ადგილობრივ დონეზე მმართველობის სფეროში მათი ინტერესების გატარებას და დამეგობრებული ქალაქების ბიზნესის წარმომადგენლებთან აქტიურ კომუნიკაციაში.

„სხვადასხვა მიმართულებით განვითრებისთვის კარგი პოტენციალი გვაქვს. გვჭირდება კომუნიკაციის გააქტიურება და კონტაქტების გაფართოვება, რათა გავიზიაროთ პარტნიორი ევროპული ქვეყნების გამოცდილება. სამეწარმეო, საგანმანათლებლო და ტურიზმის სფეროში არსებულ გამოწვევებს ღირსეულად შევხვდეთ და ხელი შევუწყოთ ადგილობრივი მოსახლეობის ეკონომიკურ გაძლიერებას. მისასალმებელია თქვენი აქტიურობა. ჩემის მხრივ მაქსიმალურად შეგიწყობთ ხელს ნებისმიერ კარგ წამოწყებაში“ - განაცხადა ლადო ჯურხაძემ.

შეხვედრის დასასრულს სტუმრებმა ხონში მდებარე თხილის გადამამუშავებელი საწარმო „ედელინგი“ დაათვალიერეს. მოგეხსენებათ, რომ ქალაქების ხონისა და ტუკუმსის ურთიერთთანამშრომლობის მემორანდუმის განახლებას ხელი 2019 წლის ივლისში მოეწერა.