მესტიის მუნიციპალიტეტში ბეჩო-ტურბაზა-შიხრას საავტომობილო გზის 7 კმ-იანი მონაკვეთის რეაბილიტაცია აქტიურად მიმდინარეობს.
აღნიშნული საგზაო მონაკვეთი მესტიის რაიონულ ცენტრთან და ქვეყნის სხვა რეგიონებთან აკავშირებს კავკასიონის მთავარი ქედის სამხრეთ ფერდზე განლაგებულ სოფლებს: დოლასვიფს, უშხვანარს, ჭოხულდსა და მაზერს.
არსებული ამორტიზებული გზა გადაადგილებისას პრობლემას ადგილობრივებთან ერთად უშბისკენ მიმავალ ტურისტებსაც უქმნიდა.
პროექტით გათვალისწინებულია: ასფალტ-ბეტონის საფარის დაგება, ერთი ახალი ხიდის მშენებლობა, მოსახლეობის ეზოებში შესასვლელების, საზოგადოებრივი ტრანსპორტის გასაჩერებელი მოედნებისა და ავტოპავილიონების მოწყობა. ასევე, წყალგამტარი მილების, გზის საყრდენი კედლების, გვერდულების, კიუვეტების, გაბიონებისა და საგზაო ნიშნების მოწესრიგება.
აღნიშნული გზის რეაბილიტაციის შედეგად, მნიშვნელოვნად გაუმჯობესდება ადგილობრივი მოსახლეობის სოციალურ–ეკონომიკური მდგომარეობა. განახლებული გზა ხელს შეუწყობს რეგიონის უდიდესი ტურისტული და საკურორტო პოტენციალის რაციონალურად გამოყენებას.
ინფორმაციას საავტომობილო გზების დეპარტამენტი ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.