საქართველოს ყოფილმა პრეზიდენტმა გიორგი მარგველაშვილმა „ტვ პირველის“ ეთერში ახსნა თუ რატომ ჰქონდა ყოფილ პრემიერ მინისტრ გიორგი კვირიკაშვილთან „კარგი ურთიერთობა“.

„გიორგი კვირიკაშვილთან კარგი ურთიერთობა მქონდა არა იმიტომ, რომ გიორგი კვირიკაშვილი დავუშვათ, რაიმე ჩემთვის სასარგებლო პოლიტიკას ატარებდა. გიორგი კვირიკაშვილი, პარტიასთან ერთად, თავის პოზიციაზე იყო და რიგ შემთხვევებში ვეთანხმებოდი, რიგ შემთხვევებში არ ვეთანხმებოდი, მაგრამ უბრალოდ, ადამიანურად და კაცურად არ გაუწყვეტია რაღაცა, ის, კაცური საქციელი და რაღაც ეს ძარღვი არ გაუწყვეტია და ეს მნიშვნელოვანი იყო იმიტომ, რომ შეგეძლო გეურთიერთა ხშირად როგორც ოპონენტთან, მაგრამ იცოდი, რომ არაკაცობას ეს კაცი არ იკადრებს და ამიტომ მქონდა გიორგისთან კარგი ურთიერთობა. ეს ზალიან მნიშვნელოვანია“, განაცხადა მარგველაშვილმა.