საქართველოს ყოფილმა პრეზიდენტმა გიორგი მარგველაშვილმა განაცხადა, რომ „2014 წლიდან ვერ ხედავს ოცნებას“ და ბიძინა ივანიშვილის დაპირებები, რომ უნდა გაიაფებულიყო ცხოვრება, სახელმწიფო გამხდარიყო უფრო ევროპული და დემოკრატიული, სინამდვილეში არ მოხდა.

„ტვ პირველის“ ეთერში მარგველაშვილმა თქვა, რომ ივანიშვილმა მისი ხასიათი თავიდანვე იცოდა.

„მე ოცნებას 2014 წლის მერეც ვერ ვხედავ, ვერ ვხედავ იმას, რაც ჩვენ ვიყავით. რაც პრეზიდენტი გავხდი და ბოლომდე დეტალებში ჩავიხედე და რა პროცესებიც დაიწყო 2014 წლიდან. მე 2014 წლიდან ვერ ვხედავ „ოცნებას“. ის რაც ვიყავით და ვინც ვიყავით, აღარ არის და... არა მგონია, რომ [ჩემი] სხვა ხასიათი მან [ივანიშვილმა] მერე აღმოაჩინა, იმიტომ რომ საჯარო განცხადებებში, პიროვნულს არ ვყვები, საჯარო განცხადებებში ყოველთვის ამაზე იყო აქცენტი, რომ მარგველაშვილი არის ის ადამიანი, ვინც მეკამათება და ა.შ. ეს იყო ჩემი პიარის ნაწილი, რასაც ამბობდა ივანიშვილი ჩემზე. ასე რომ, იცოდა ჩემი ხასიათი, მაგრამ მეც ივანიშვილზე არ ვსაუბრობ და მის ხასიათზე. მე ვსაუბრობ პოლიტიკურ ძალაზე. პოლიტიკური ძალის ღირებულებები რომ იყო, რომ უნდა ჩვენ გაგვეიაფებინა ცხოვრება, სახელმწიფო გამხდარიყო უფრო ევროპული და დემოკრატიული, ამას მე ვერ ვხედავ“, განაცხადა გიორგი მარგველაშვილმა.