ვენაში, ეუთო-ს მუდმივ საბჭოზე ჟენევის საერთაშორისო მოლაპარაკებების 49-ე რაუნდის შესახებ იმსჯელეს.
საქართველოს მუდმივმა წარმომადგენელმა ეუთო-ში, დავით დონდუამ ეუთო-ს მონაწილე სახელმწიფოებს მიაწოდა ინფორმაცია მოლაპარაკებების ჟენევის საერთაშორისო მოლაპარაკებების გასული რაუნდის შესახებ, რომელიც 8-9 ოქტომბერს გაიმართა. მან აღნიშნა, რომ რაუნდზე მწვავედ დაისვა რუსეთის მიერ საქართველოს ოკუპირებულ რეგიონებში მილიტარიზაციასთან, დე-ფაქტო ანექსიისკენ გადადგმულ ნაბიჯებთან და სხვა უკანონო ქმედებებთან, რეგიონებში მძიმე უსაფრთხოების და ჰუმანიტარულ ვითარებასთან დაკავშირებული საკითხები.
საქართველოს მუდმივმა წარმომადგენელმა აღნიშნა, რომ რაუნდზე ყურადღება გამახვილდა საქართველოს ხელისუფლების კონტროლირებად ტერიტორიაზე, სოფელ ჩორჩანას სიახლოვეს საოკუპაციო ძალების პროვოკაციულ ქმედებებზე, ასევე, ცხინვალის რეგიონში, ე.წ. გადასასვლელი პუნქტების ჩაკეტვის მძიმე ჰუმანიტარულ შედეგებზე. დავით დონდუამ აღნიშნა, რომ ჟენევაში მწვავედ დაისვა საოკუპაციო ხაზის გასწვრივ მავთულხლართებისა და სხვა ხელოვნური ბარიერების აღმართვის პროცესის თემა და ამ კონტექსტში, აქცენტი გაკეთდა სოფელ გუგუტიანთკარში საოკუპაციო ძალების დესტრუქციულ ქმედებებზე, რის შედეგადაც, რამდენიმე ოჯახმა საკუთარ კარ-მიდამოზე წვდომა დაკარგა. არსებული გამოწვევების ფონზე, აღინიშნა გალსა და ერგნეთში ინციდენტების პრევენციისა და მათზე რეაგირების მექანიზმების (IPRM) შეუფერხებელი მუშაობის აუცილებლობა, ფუძემდებლურ პრინციპებსა და წესებზე დაყრდნობით.
საქართველოს ელჩმა დელეგატებს ასევე აცნობა, რომ აფხაზეთისა და ცხინვალის რეგიონებიდან ეთნიკური წმენდის შედეგად გამოძევებული მოსახლეობის დაბრუნების საკითხის განხილვისას, მონაწილეებმა მოსკოვიდან, სოხუმიდან და ცხინვალიდან კვლავაც დატოვეს მოლაპარაკებები. სხდომაზე საქართველოს მხარდამჭერი განცხადებები გააკეთეს ევროკავშირის, აშშ-სა და უკრაინის დელეგაციებმა. გამომსვლელებმა ცალსახად დაადასტურეს მხარდაჭერა საქართველოს სუვერენიტეტისა და ტერიტორიული მთლიანობის მიმართ საერთაშორისოდ აღიარებულ საზღვრებში. დელეგაციებმა ასევე გამოხატეს მხარდაჭერა ჟენევის საერთაშორისო მოლაპარაკებებისა და IPRM-ის ფორმატების მიმართ. გამომსვლელებმა გამოთქვეს შეშფოთება თავისუფალი გადაადგილების შეზღუდვაზე აფხაზეთისა და ცხინვალის რეგიონებში, ხელოვნური ბარიერების აღმართვის, უკანონო დაკავებებისა და ე.წ. გადასასვლელი პუნქტების ჩაკეტვის გზით.
მათ ასევე ისაუბრეს ა. ტატუნაშვილის, დ. ბაშარულისა, გ. ოთხოზორიას და ი. კვარაცხელიას საქმეებზე და განაცხადეს, რომ მსგავს საქმეებზე დაუსჯელობა აღვივებს კონფრონტაციასა და უნდობლობას. ევროკავშირისა და აშშ-ს დელეგაციებმა გამოხატეს მწუხარება მოსკოვიდან, სოხუმიდან და ცხინვალიდან მონაწილეების მიერ მოლაპარაკებების დატოვებასთან დაკავშირებით. ევროკავშირმა მოუწოდა მონაწილეებს, თავი შეიკავონ ქმედებისგან, რომელიც ეწინააღმდეგება ჟენევის საერთაშორისო მოლაპარაკებებში ნაკისრ ვალდებულებებს. ევროკავშირის, უკრაინისა და აშშ-ს დელეგაციებმა მოუწოდეს რუსეთის ფედერაციას, შეასრულოს 2008 წლის 12 აგვისტოს ცეცხლის შეწყვეტის შეთანხმებით ნაკისრი ვალდებულებები და დაუშვას ევროკავშირის სადამკვირვებლო მისია და ადამიანის უფლებათა მონიტორინგის მექანიზმები აფხაზეთისა და ცხინვალის რეგიონებში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.