საქართველოს პრემიერ მინისტრი გიორგი გახარია ყატარის ტრანსპორტისა და კომუნიკაციების მინისტრ ჯასიმ საიფ აჰმედ ალ სულაითს შეხვდა.
მთავრობის ადმინისტრაციაში გამართულ შეხვედრაზე საუბარი შეეხო ორ ქვეყანას შორის ურთიერთობებს ეკონომიკის, ტრანსპორტისა და კომუნიკაციების სფეროში.
აღინიშნა, რომ საქართველოსა და ყატარს შორის ორმხრივი ურთიერთობები დინამიურად ვითარდება, თუმცა ქვეყნებს შორის არსებობს კიდევ უფრო მეტი პოტენციალი, რაც სამომავლოდ უნდა იქნას გამოყენებული.
ხაზი გაესვა ორ ქვეყანას შორის პირდაპირი ავიამიმოსვლის მნიშვნელობას, როგორც ეკონომიკურ სფეროში ურთიერთობების განვითარების, ასევე ხალხთაშორის კავშირების გაღრმავების თვალსაზრისით.
როგორც ყატარის ტრანსპორტისა და კომუნიკაციების მინისტრმა აღნიშნა, ყატარის მხარე დაინტერესებულია საქართველოს საინვესტიციო შესაძლებლობებით და ისინი საქართველოს ხელისუფლებაში ხედავენ მყარ და მტკიცე პარტნიორს, რომელთან ერთადაც სამომავლოდ კონკრეტული პროექტების განხორციელებას განიხილავენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.