იუსტიციის უმაღლესი საბჭოს არამოსამართლე წევრის, ანა დოლიძის განცხადებით, ის პარლამენტის დარბაზში, სადაც უზენაესი სასამართლოს მოსამართლეობის კანდიდატ გიორგი მიქაუტაძეს უსმენენ, არ შეუშვეს.

ანა დოლიძის თქმით, მას პარლამენტის მანდატურის სამსახურმა სხდომათა დარბაზში ადგილების არარსებობის გამო, მიქაუტაძის გამოსვლისთვის სხდომათა დარბაზის აივნიდან მოსმენა შესთავაზა.

„მოვედი სხდომაზე დასასწრებად, ვარ იუსტიციის საბჭოს წევრი და საქართველოს მოქალაქე. სხდომა არის საჯარო, დარბაზი გამოტენილია აპარატის თანამშრომლებით, რათა მოქალაქეები არ დასხდნენ დარბაზში, პატარა დისკომფორტი, ცივი ნიავი არ მიეკაროს გიორგი მიქაუტაძეს და არ აგვინერვიულდეს. ამისთვისაა ეს ფასადური პროცესი. მანდატურის სამსახურის უფროსს მოვთხოვე, ააყენონ აპარატის რომელიმე თანამშრომელი და დასვან საქართველოს მოქალაქე“, – განაცხადა ანა დოლიძემ.