პარასკევ ღამით, 28 აგვისტოს, 2015 წლის მსოფლიო თასისთვის მზადების მესამე ფაზის ფარგლებში ბორჯღალოსნებმა პირველი საკონტროლო მატჩი გამართეს, რომელშიც ჩვენი ნაკრები ინგლისის "ავივა პრემიერშიპის" ნიუქასლ ფოლკონზს ეთამაშა. შეხვედრა ქინგსთონ პარკზე გაიმართა და მასპინძლების გამარჯვებით, 27-7 დასრულდა.

პირველ ნახევარში მასპინძლებმა ერთი ლელო დაგვიდეს, რომლის გარდასახვაც ვერ მოხერხდა - 5:0. ტაიმის ბოლომდე ანგარიში არ შეცვლილა.

მეორე ნახევრის დასაწყისში მასპინძლებმა მეორე ლელოც მიითვალეს - 10:0. მალევე მესამეჯერ მიიწერეს 5 ქულა - 15:0. ამას მოწინააღმდეგის 22-ში რაქიდან მამუკა გორგოძის გარღვევა მოყვა, რომელიც მანვე ლელოთი დაასრულა. გარდასახვა ბექა წიკლაურმა გაიტანა და ანგარიში 15:7 გახდა.

თამაშის ბოლომდე ნიუქასლელებმა კიდევ ორჯერ დაამიწეს ჩვენს ლელოში, ერთიც გარდასახეს და საბოლოო ანგარიში 27:7 დადგინდა.

შეგახსენებთ, რომ აღნიშნული შეხედრა ჩვენი გუნდისთვის სავარჯიშო ხასიათს ატარებდა. მსოფლიო თასის დაწყებამდე ჩვენი ნაკრები კიდევ ორ საკონტროლო შეხვედრას გამართავს - ბორჯღალოსნები ტესტ-მატჩებში 2 სექტემბერს კანადას და 5 სექტემბერს იაპონიას ეთამაშებიან.

http://site.rugby.ge