ნატოს თავდაცვის მინისტერიალის ფარგლებში საქართველოს თავდაცვის მინისტრი უცხოელ კოლეგებთან ორმხრივ შეხვედრებს განაგრძობს. შვედეთის სამეფოს თავდაცვის მინისტრთან პიტერ ჰულქვისტთან საუბრის დასაწყისში ირაკლი ღარიბაშვილმა აღნიშნა, რომ თავდაცვის სფეროში ქვეყნებს შორის ორმხრივი თანამშრომლობა ურთიერთნდობასა და მეგობრობას ეფუძნება.
მინისტრები უახლოეს მომავალში შეხვედრაზე და სამომავლო ორმხრივი თანამშრომლობის ძირითადი მიმართულებების განხილვაზე შეთანხმდნენ.
შეხვედრაზე ხაზი გაესვა შვედეთის მხარის მხარდაჭერას ნატო-საქართველოს არსებითი პაკეტის (SNGP) იმპლემენტაციის პროცესში, მათ შორის ნატო-საქართველოს წვრთნებისა და შეფასების ერთობლივი ცენტრის (JTEC) განვითარების მიმართულებით. ორმხრივი თანამშრომლობის კონტექსტში ირაკლი ღარიბაშვილმა შვედეთის სამეფოსგან ტოტალური თავდაცვის კუთხით მიღებული გამოცდილება აღნიშნა და საერთაშორისო წვრთნებში ქართველი და შვედი სამხედროების ერთობლივ მონაწილეობაზე გაამახვილა ყურადღება. საქართველოს თავდაცვის მინისტრმა შვედეთის თავდაცვის ინსტიტუციებში ქართველი სამხედროების განათლების შესაძლებლობასაც გაუსვა ხაზი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.