ხონის მუნიციპალიტეტის საკრებულოს სხდომათა დარბაზში კულტურულ-ჰუმანიტარული ფონდი სოხუმის ორგანიზებით დასავლეთ საქართველოში, სამოქალაქო საზოგადოების ახალი პროექტთან დაკავშირებით საინფორმაციო შეხვედრა გაიმართა. აღნიშნული პროექტი მონიტორინგს გაუწევს საჯარო მმართველობის რეფორმის (PAR) გეგმას.

კულტურულ-ჰუმანიტარული ფონდი სოხუმი მეწარმე ქალთა ფონდთან და იმერეთის მეცნიერთა კავშირ „სპექტრთან“ პარტნიორობით ახორციელებს პროექტს: “ გურიის, იმერეთისა და რაჭა ლეჩხუმის სამოქალაქო საზოგადოების ორგანიზაციების საერთო ფორუმი საგზაო რუკის“ (PAR) მონიტორინგის მიზნით, რომელსაც აფინანსებს ევროკავშირის დელეგაცია საქართველოში, რათა გააძლიეროს სამოქალაქო საზოგადოების ჩართულობა საჯარო მმართველობის რეფორმის (PAR) მონიტორინგსა და განხორციელებაში.

პროექტის ფარგლებში სამოქალაქო ორგანიზაციების წარმომადგენლები მონიტორინგი გაუწევენ საჯარო მმართველობის რეფორმის (PAR) გეგმას რვა მუნიციპალიტეტში, შედეგები დაეფუძნება მონიტორინგის მექანიზმს, ის განსაზღვრავს ადგილობრივი ხელისუფლების ეფექტურობას, გამჭირვალობას და ინკლუზიურობას ხონში, ბაღდადში, თერჯოლაში, ვანში, ოზურგეთში, ლანჩხუთში, ცაგერსა და ამბროლაურში.

მოხდება ადგილობრივი საჭიროებების შეფასება პროექტის განხორციელების პირველ და მეორე წლის განმავლობაში, შემუშავდება შესაბამისი რეკომენდაციები, რომლებიც გათვალისწინებულ იქნება სამიზნე მუნიციპალიტეტების სამოქმედო გეგმებში. გამოქვეყნდება რეგულარული ანგარიშები საჯარო მმართველობის რეფორმის (PAR) მონიტორინგსა და რეგიონებში მიმდინარე განვითარების შესახებ.

ხონის მუნიციპალიტეტში დაინერგება ონლაინ პეტიციის საპილოტე სისტემა. ფონდი „სოხუმი“ პროექტის პარტნიორებთან ერთად, გაახმოვანებს სამოქალაქო საზოგადოების ორგანიზაციების მუშაობას დასავლეთ საქართველოში შემდეგ მიმართულებებით: ადვოკატირების ეროვნული კამპანია და ვრცელი მედია კამპანია წინა პლანზე წამოწევს სამოქალაქო საზოგადოების მუშაობის მნიშვნელობას და პროგრესს დასავლეთ საქართველოში. პროექტი დაფინანსებულია ევროკავშირის მიერ.