ფესტივალში, რომელიც მუნიციპალიტეტის მერიის კულტურის სამსახურის ორგანიზებით (სამსახურის უფროსი ჟორა სნხჩიანი) გაიმართა, მუნიციპალიტეტის მერიისა და საკრებულოს თანამშრომლები, მუნიციპალიტეტის ადმინისტრაციული ერთეულებიდან მიწვეული სტუმრები, ახალგაზრდა კოლექტივები, სკოლების დირექტორები, მასწავლებლები და მოსწავლე-ახალგაზრდები ესწრებოდნენ.

ფესტივალში ქ. ნინოწმინდის #2, #3 და #4 სკოლები, ეშტიის #1 და #2 საჯარო სკოლები, განძის #1 საჯარო სკოლა, ნინოწმინდის სამუსიკო სკოლა, სკოლისგარეშე აღზრდის დაწესებულება, კულტურის ცენტრი, ასევე, დუხობორების თემი, ქალაქის 4 რესტორანი და 4 ინდივიდუალური მზარეული მონაწილეობდა.

„დღევანდელი ღონისძიება ჩვენს მუნიციპალიტეტში მეგობრულად მცხოვრები ქართველი, სომეხი და დუხობორი ხელმარჯვე ქალებისა და ახალგაზრდა გოგოების უნარ-ჩვებების გამოხატვის ერთ-ერთი დასტურია, რომელსაც ტრადიციული გაგრძელება და გაფართოება ექნება“, განაცხადა ნინოწმინდის მერმა, ანი მოსოიანმა. საკრებულოს თავმჯდომარის, სუმბატ კიურეღიანის სიტყვებით კი, „ფესტივალში მონაწილეთა რაოდენობა წელს გაორმაგდა“.

ფესტივალი მიზნად ისახავს ჩვენი ტრადიციებისა და უძველესი სომხურ - ქართული და დუხობორების უგემრიელესი კერძების ახალგაზრდა თაობისთვის გადაცემას.

ფესტივალის ყველა მონაწილე სამახსოვრო საჩუქრებით, დიპლომებითა და საპატიო სიგელები დაჯილდოვდნენ. ღონისძიებაში კულტურის სახლის სომხური, ქართული და დუხობორების თემის ცეკვის ანსამბლები მონაწილეობდნენ.

ინფორმაციას ნინოწმინდის მუნიციპალიტეტის მერიის პრესსამსახური ავრცელებს.