არ გახსოვთ, მეუფე პეტრესთან რომ ჩავიდა ბიძინა ივანიშვილი და ტკბილი ჩურჩული ჰქონდათ? იმის შინაარსი ვინმემ თქვა? - განაცხადა “ლეიბორისტული პარტიის“ ლიდერმა შალვა ნათელაშვილმა გადაცემა „რეაქციაში“ საუბრისას.

მისი თქმით, მეუფე პეტრე ცაავას უკან ბიძინა ივანიშვილი დგას.

„აი, ის რომ დაიჭერეს, ცანცარა მღვდელი, დეკანოზი მამალაძე, ის არ არის სერიოზული კაცი, მიუხედავად ამისა, ის პროვოკაციის მსხვერპლი გახდა, ეს პროვოკაცია დაგეგმილი იყო ივანიშვილის სახელმწიფო უშიშროების ორგანოებში, მისივე მითითებით, იმიტომ, რომ ამ კაცს არ შეუძლია აიტანოს ქართული სახელმწიფოებრიობა, ამ კაცს არ შეუძლია აიტანოს სულიერად გამაძღარი, დასაქმებული, უზრუნველყოფილი ერი და საზოგადოება, ამ კაცს არ შეუძლია აიტანოს თავისუფალი საზოგადოება და მასმედია, მას სძულს თავისუფალი, დამოუკიდებელი სასამართლო და აქცია ის სისტემა საკუთარ ადვოკატურად, ის ვერ ძღება ეროვნული სიმდიდრით და მისი ნახელავი და მისი შემოქმედებაა აფეთქებული საყდრისი.

არ ვამბობ, რომ მეუფე პეტრე და ბიძინა ივანიშვილი თანამოაზრეები და თანაგუნდელები არიან, მაგრამ მათი ინტერესები დაემთხვა ერთმანეთს, უბრალოდ მეუფე პეტრეს სურდა თავისი გავლენების გაძლიერება ქართულ ეკლესიაში და სავარაუდოდ სამომავლოდ პატრიარქობაზე ეს ნამდვილად დანაშაული არ არის, გააჩნია, რა ფორმებით მოისურვებს ამის მიღწევას, ბიძინა ივანიშვილის სურვილია არა მარტო ყველაფერი მიითვისოს, არამედ გააღატაკოს საზოგადოება, წაართვას სახელმწიფოებრიობა, მოუსპოს ავტორიტეტები, მოუსპოს პოლიტიკური პარტიები, გააუქმოს სასამართლო ხელისუფლება, წაშალოს ადგილობრივი თვითმმართველობის სუვერენიტეტი და ძალაუფლება, ივანიშვილი ვერ იტანს ავტორიტეტულ ეკლესიას, ავტორიტეტულ სინოდს, საპატრიარქოს, რეიტინგულ პატრიარქს, ამიტომ მოისურვა, რომ ისიც წაბილწოს და წაშალოს და ამისათვის, გამოიყენებს მეუფე პეტრესაც, იაკობსაც...“ , - განაცხადა შალვა ნათელაშვილმა.