ერთმნიშვნელოვნად შეიძლება ითქვას, რომ პირადად ბიძინა ივანიშვილის მიერ არის ორგანიზებული ის პროცესები, რაც დღეს ეკლესიასა და საპატრიარქოში ხდება, - განაცხადა „ტვ პირველის“ ეთერში ჟურნალისტმა გიორგი კაპანაძემ.

მისი თქმით, ივანიშვილს არ უყვარს პატრიარქი და მისი ეს დამოკიდებულება წლების განმავლობაში რთულდება.

„ზოგადად, აქ გასათვალისწინებელი არის ილია მეორისადმი ივანიშვილის დამოკიდებულება, არ უყვარს ამ ადამიანს პატრიარქი და მისი ეს, ასე ვთქვათ, არსიყვარული წლების განმავლობაში იხვეწებოდა და უფრო და უფრო რთულდებოდა, მაგალითად პირველი ფაქტი მინდა გავიხსენო, რომ როდესაც სამება შენდებოდა, სამების დასრულების შემდეგ პატრიარქმა ერთ-ერთ საჯარო ქადაგებაში ხალხს გადაუხადა მადლობა სამების მშენებლობაში შეტანილი წვლილის გამო და ვიცით ჩვენ, რომ ცხადია, მხოლოდ ივანიშვილმა კი არ ააშენა სამება, მისი ერთი ნაწილი დააფინანსა მან და მრევლმა გაიღო თანხის უდიდესი ნაწილი, რომელიც მოხმარდა აი, ამ ეკლესიის მშენებლობას. ეს ივანიშვილს ეწყინა, მას უნდოდა, რომ სამების მშენებლობის სიკეთე თავად მიეწერა და ამის გამო გაბრაზდა და აქედან მოდის წყენა პატრიარქის მიმართ. მერე კიდევ, როდესაც პატრიარქი ჩავიდა საჩხერეში, ივანიშვილი არ შეხვდა პატრიარქს და ამით გამოხატა წყენა პატრიარქის მიმართ“ , - განაცხადა გიორგი კაპანაძემ.