„ევროპული საქართველოს“ წევრი, გიგა ბოკერია „ქართული მარშის“ ლიდერის სანდრო ბრეგაძის განცხადებას გამოეხმაურა,  რომლის მიხედვითაც, ფილმის „და ჩვენ ვიცეკვეთ“ შემქმნელები „ევროპული საქართველო“ და „ნაციონალური მოძრაობაა“.

„იმ ბრალდებას დიდი სიამოვნებით ვაღიარებ, რომ მე და ჩვენი პოლიტიკური გუნდი ვიყავით ყველა მოქალაქის თავისუფლების დაცვის იდეის მატარებელი. ამ მიმართულებით ბევრი შეცდომა გვქონდა, მაგრამ ეს ღირებულება მთავარი იყო. განსაკუთრებით იმ შეცდომების გააზრების ფონზე, რომელიც ჩვენ მოგვივიდა, როცა ხელისუფლებაში ვიყავით“, – განაცხადა გიგა ბოკერიამ.

სანდრო ბრეგაძემ დღეს განაცხადა, რომ „ქართულ მარში“ არ დაუშვებს ფილმის „და ჩვენ ვიცეკვეთ“ ჩვენებას. ამასთან, ბრეგაძემ „ევროპული საქართველო“ და “ნაციონალური მოძრაობა“ აღნიშნული ფილმის  შემქმნელებად მოიხსენია.

რეჟისორის ლევან აკინის ფილმის „და ჩვენ ვიცეკვეთ“ პრემიერა საქართველოში დღეს, 8 ნოემბერს გაიმართება.