საქართველოს თავდაცვის ძალებში გატარებული რეფორმების შესახებ გამოცდილების გაზიარების მიზნით საქართველოს გამბიის შეიარაღებული ძალების მეთაური ოფიციალური ვიზიტით ესტუმრა. გენერალ-ლეიტენანტ მასანე კინტეს საქართველოს თავდაცვის ძალების მეთაური, გენერალ-ლეიტენანტი ვლადიმერ ჩაჩიბაია მასპინძლობს.
ვიზიტი დახვედრის ოფიციალური ცერემონიალით დაიწყო, რომლის დასრულების შემდეგაც გამბიის თავდაცვის ძალების მეთაურმა შთაბეჭდილებების წიგნში ჩანაწერი დატოვა.
გენერალურ შტაბში გამართულ ორმხრივ შეხვედრაზე ყურადღება თავდაცვის ძალების ტრანსფორმაციის პროცესსა და საქართველოს თავდაცვის ძალების ისტორიაზე გამახვილდა. J-3 ოპერატიული დაგეგმვის დეპარტამენტისა და წვრთნისა და სამხედრო განათლების სარდლობის წარმომადგენლებმა კი, გამბიის თავდაცვის ძალების მეთაურს პრეზენტაცია ჩაუტარეს, რომელიც სამხედრო განათლებისა და საქართველოში სწავლებების ჩატარების შესაძლებლობებს მოიცავდა.
გამოცდილების გაზიარების მიზნით გამბიის შეიარაღებული ძალების მეთაური წვრთნებისა და სამხედრო განათლების ცენტრ „კრწანისს“, დავით აღმაშენებელის სახელობის ეროვნულ თავდაცვის აკადემიას, საქართველოს თავდაცვის ძალების I და IV ბრიგადებს, ასევე გიორგი ანწუხელიძის სახელობის სერჟანტთა მომზადების აკადემიას, საბრძოლო მომზადების ცენტრს (CTC) და სსსტც „დელტას“ ეწვევა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.