თბილისის N117 საბავშვო ბაგა-ბაღის ეზოში გამწვანების აქცია გაიმართა. მიმდებარე ტერიტორიაზე ლეილანდის კუპრესო ციპარისის 160 ნერგი დაირგო.
გამწვანების ღონისძიებას აღსაზრდელებთან ერთად, თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე და საბურთალოს რაიონის გამგებელი გაიოზ ვასაძე შეუერთდნენ.
N117 ბაგა-ბაღი შარტავას ქუჩაზე, გზის პირას მდებარეობს, სადაც საავტომობილო მოძრაობა განსაკუთრებით ინტენსიურია. შესაბამისად, ბაღების სააგენტომ დედაქალაქის მერიის გარემოს დაცვის სამსახურთან კონსულტაციის შედეგად, ეკოლოგიური მდგომარეობის გაუმჯობესების მიზნით, ერთგვარი „მწვანე კედლის“ მოწყობა დაგეგმა.
„თბილისის 117-ე ბაგა-ბაღთან საკმაოდ არასახარბიელო მდგომარეობაა, რადგანაც შენობა გზის პირას - განსაკუთრებული ინტენსივობის მოძრაობის მქონე ქუჩაზე მდებარეობს. გამომდინარე იქიდან, რომ ლანდშაფტი სხვა საშუალებას არ გვაძლევს, გადავწყვიტეთ, მარადმწვანე ნერგები დაგვერგო, რომელიც რამდენიმე წელიწადში ქუჩასა და ბაღის ტერიტორიას შორის ერთგვარ გამყოფ ხაზს წარმოქმნის, რაც არსებული ეკოლოგიური მდგომარეობის გაუმჯობესებას შეუწყობს ხელს“, - განაცხადა კახაბერ გვანცელაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.