ოქრიაშვილმა თქვა გულწრფელად რასაც ესენი ფიქრობენ - დებილები ხართო თქვენ, თქვენ ვერ ხვდებით პროპორციული არჩევნები როგორ განსხვავდება მაჟორიტარულისგან, იმიტომ, რომ დებილები ხართო, ასე არ თქვა სიტყვა-სიტყვით? ამ ხალხის გამტყავებელმა ხომ დებილი გვიძახა?! - განაცხადა ალეკო ელისაშვილმა „ტელეკომპანია პირველის“ ეთერში.

მისი თქმით, კამპანია „ამხილე ფეოდალი მაჟორიტარი“ ფარგლებში, ისინი რეგიონებში გასვლას იწყებენ.

„ჰოდა, გავდივართ რეგიონებში და „ამხილე ფეოდალი მაჟორიტარი“ ასეთ კამპანიას ვიწყებთ ჩვენ, ჩავალთ, ხალხს დაველაპარაკებით, ავუხსნით და ვაჩვენებთ. სამი რამის გამო იხრჩობა ეს ქვეყანა სიღარიბეში, პირველი არის რუსეთი და ოკუპაცია, მეორე ის არის, რომ უზარმაზარი, ღორულად დიდი და გაბერილი ხარჯები აქვს მთავრობას, ათჯერ უფრო მეტი მუშაობს მთავრობაში, ვიდრე საჭიროა და მესამე და ყველაზე მთავარი - მაჟორიტარული სისტემის არსებობის გამო იხრჩობა საქართველო სიღატაკეში, განსაკუთრებით ეს რაიონებს ეხება, რაიონები იცლება, სახლები ჩამონგრეულია... ამ დროს, მაჟორიტარი დეპუტატები, ფეოდალები, წურბელები სისხლს წოვენ ამ ხალხს და რაიონსაც“ , - განაცხადა ელისაშვილმა.

მისი თქმით, მაჟორიტარულ სისტემაზე გადასვლის შემთხვევაში ქვეყანაში გადატრიალებები დაიწყება.

„ქართულ ოცნებაში" თუ ვინმეს ჭკუა აქვს, გაიაზროს, რომ ასე თუ გააგრძელეს და დებილები გვიძახეს, სრულიად მაჟორიტარულზე თუ გადავიდნენ, გადატრიალებები, გადმოტრიალებები და რადიკალიზმი წავა ქუჩებში, რაც მეზიზღება ორგანულად, 13 წლის ვიყავი, როცა რუსთაველი დამიწვეს კიტოვანმა, სიგუამ და იოსელიანმა, ამიტომ იქით ვთავაზობთ გადამგდებებს გამოსავალს - ვადამდელი ან პროპორციული ანუ პატიოსანი არჩევნები, ან ეს იქნება, ან რადიკალიზმი, ამას შეეგუონ“ , - განაცხადა ალეკო ელისაშვილმა.