საქართველოს ეროვნული გმირები, მერაბ კოსტავა და ჟიული შარტავა! - მერაბი, ჯერ კიდევ ყმაწვილი ოცნებობდა საქართველოს თავისუფლებასა და დამოუკიდებლობაზე, ამიტომ, მთელი თავისი ცხოვრება იბრძოდა საბჭოთა სისტემის წინააღმდეგ... მსოფლიოში ცნობილი ანტისაბჭოთა დისიდენტი იგი არაერთხელ დააპატიმრეს, არაერთი უმძიმესი წელი მოახდევინეს საპყრობილეში, უმკაცრესი რეჟიმის ე.წ. "ლაგერებში" და გადასახლებაში... მიუხედავად დიდი ზეწოლისა საბჭოთა სისტემის მხრიდან, მან ყველანაირ განსაცდელს გაუძლო, ვერ გატეხეს მისი გმირული სული და ვერ შეულახეს ადამიანური ღირსება, რასაც მოგვიანებით ამ სისტემის წარმომადგენლები თავად აღიარებდნენ და პატივისცემას გამოხატავდნენ მის მიმართ... - ჟიული, სწორედ ამ საბჭოთა სისტემის ნაწილი იყო და იკავებდა მაღალ პოსტებს საბჭოურ იერარქიაში, მაგრამ პიროვნული თვისებებიდან გამომდინარე ყოველთვის, ყველა თანამდებობაზე იმ სისტემის პირობებშიც კი, იგი გამოირჩეოდა უმწიკვლო რეპუტაციით, სამშობლოსადმი ერთგულებით და გულწრფელი სიყვარულით, რასაც ადასტურებს აფხაზეთში ომის პერიოდში მისი თავდადებული მოღვაწეობა და სიკვდილი, - სიცოცხლის მსხვერპლად შეწირვა საქართველოს ერთიანობისათვის, იმ იმედით, რომ ქართველები აფხაზეთში აუცილებლად დაბრუნდებიან და საქართველოს გაამთლიანებენ!.. - ბ-ნი მერაბი და ბ-ნი ჟიული, მდინარის სხვადასხვა ნაპირზე იდგნენ, მაგრამ ორივემ საკუთარი სიცოცხლე შეგნებულად და უყოყმანოდ გაიღეს საქართველოსთვის, მისი ნათელი მომავლისთვის! ასეთ გმირებზე იდგა და დგას საქართველო!! დიდება გმირებს!!! ღმერთმა აცხონოს და ცათა სასუფეველი დაუმკვიდროს მათ, იქ სადაც მართალნი განისვენებენ..

პოლიტოლოგი

ჯუმბერ კირვალიძე