საქართველოს თავდაცვის ძალების მეთაური, გენერალ-ლეიტენანტი ვლადიმერ ჩაჩიბაია ბრიუსელში გამართულ ევროკავშირის სამხედრო კომიტეტის კონფერენციას დაესწრო. ორი დღის განმავლობაში ევროკავშირის წევრი ქვეყნების თავდაცვის ძალების მეთაურები ევროკავშირის სამხედრო ოპერაციებსა და მისიებს, ორგანიზაციის სამხედრო შესაძლებლობებსა და ნატოსთან თანამშრომლობის საკითხებს განიხილავდნენ. კონფერენციას ევროკავშირის წევრი ქვეყნების გარდა, პარტნიორი ქვეყნების თავდაცვის ძალების მეთაურებიც დაესწრნენ, რომლებიც შესაბამის დისკუსიებში იღებდნენ მონაწილეობას. სხდომის მონაწილე უმაღლესმა სამხედრო პირებმა უსაფრთხოების სფეროს თანამედროვე გამოწვევებზე იმსჯელეს და მნიშვნელოვანი საკითხების შესახებ ერთმანეთს საერთო ხედვა გაუზიარეს. განსაკუთრებული ყურადღება გამახვილდა ევროკავშირის საწვრთნელი მისიების ეფექტურობის გაზრდის მიზნით საერთაშორისო ოპერაციებისთვის სათანადო რესურსების, შესაძლებლობებისა და კონტინგენტის უზრუნველყოფის საჭიროებაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.