დედაქალაქის მერიის გარემოს დაცვის საქალაქო სამსახური დიდუბის ხიდთან, მტკვრის მარცხენა სანაპიროზე არსებულ შუა გამყოფ ზოლს ამწვანებს. გამწვანების პროცესს თბილისის მერის მოადგილე მაია ბითაძე ადგილზე გაეცნო.
„აღნიშნულ ტერიტორიაზე, დაირგო 6 მეტრამდე სიმაღლის სხვადასხვა სახეობის მერქნიანი მცენარე. ვფიქრობთ, რომ ეკოლოგიურ მდგომარეობა ამ კონკრეტულ მონაკვეთში საგრძნობლად გაუმჯობესდება. ეს არის ნაწილი იმ დიდი საშემოდგომო რგვებისა, რომელსაც თბილისის მერია ახორციელებს. ჯამში საშემოდგომო გამწვანების ფარგლებში 12 000 მერქნიანი მცენარე იქნება დარგული“, - განაცხადა მაია ბითაძემ.
ტერიტორიაზე ირგვება 167 ძირი კვიდო და 50 ძირი ლეკის ხე, გარდა ამისა, 12 000 კვადრატულ მეტრ ფართობზე უკვე განხორციელდა მიწის შეტანისა და ბალახის დათესვის სამუშაოები. ასევე, დაირგო 180 ძირი სხვადასხვა სახეობის დიდტანოვანი ხე.
მიმდინარე წლის ბოლომდე დედაქალაქის მასშტაბით 12 000-მდე დიდტანოვანი ხე და 8 000-ზე მეტი ბუჩქი დაირგვება.
გამწვანების აქციაზე ასევე იმყოფებოდნენ გარემოს დაცვის საქალაქო სამსახურის უფროსი გიგა გიგაშვილი, ნაძალადევის რაიონის გამგებელი ირაკლი ხელაძე და თბილისის საკრებულოს წევრები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.